POP 5

Lajmet më të lexuara të 5 minutave të fundit

Ekonomi

Kallëzim penal për 3-ish punonjës
të Hipotekës në Sarandë

Tre ish-punonjësit e Hipotekës së Sarandës, ish-regjistruesi i kësaj zyre, Bajram Alidhima, hartografin Robert Piro dhe juristen Albjona Rexho, janë kallëzuar penalisht për shkelje të detyrës.
TIRANE- Tre ish-punonjësit e Hipotekës së Sarandës, ish-regjistruesi i kësaj zyre, Bajram Alidhima, hartografin Robert Piro dhe juristen Albjona Rexho, janë kallëzuar penalisht për shkelje të detyrës, pasi është konstatuar se janë dhënë tituj pronësie për zona të mbrojtura, në Parkun Kombëtar të Butrintit. Zyra Qendrore e Regjistrimit të Pasurive të Paluajtshme ka depozituar dje në Prokurorinë e Sarandës kallëzim penal, ku ka kërkuar fillimin e ndjekjes penale për tre ish-punonjësit e Hipotekës së Sarandës,
 
Kontrolli
Kërkesa vjen pas kontrollit të ushtruar në Hipotekën e Sarandës gjatë muajit shkurt të vitit 2013. Nga ky kontroll u konstatua se në Zonën e Parkut Kombëtar të Butrintit janë regjistruar tituj pronësie në kundërshtim me ligjin. Sipas VKM nr. 134 datë 20.02.2013 “Për disa ndryshime dhe shtesa në vendimin nr. 693 datë 10.11.2005 të Këshillit të Ministrave “Për shpalljen e kompleksit Ligatinor të Butrintit “Park Kombëtar”, kjo zonë konsiderohet zonë e mbrojtur.

Pas analizimit të  materialit hartografik rezulton se kjo sipërfaqe e regjistruar në favor të subjekteve private ndodhen në zonën A1, në zonën A2 dhe në zonën B të Parkut Kombëtar të Butrintit, zona të cilat sipas vendimit të mësipërm nuk mund të tjetërsohen.
 
Kërkesa
Me urdhër të ish-regjistruesit të Hipotekës së Sarandës, Bajram Alidhima, përkatësisht në datat 9.07.2013 dhe 10.09.2013 është urdhëruar regjistrimi në favor të subjekteve private të një sipërfaqe të konsiderueshme të Parkut Kombëtar të Butrintit. “Në përfundim të sa më sipër, punonjësit Bajram Alidhima ish-regjistrues, Robert Piro specialist hartograf, Albjona Rexho specialist jurist, kanë vepruar në kundërshtim me ligjet e mësipërme, që përben mospërmbushje të rregullt të detyrës, nga personi që ushtron funksione publike, kur i kanë sjelle përfitime materiale që dëmtojnë interesat e ligjshme të shtetit.

Mendojmë se punonjësit Bajram Alidhima ish-regjistrues, Robert Piro specialist hartograf dhe Albjona Rexho specialist jurist, kane konsumuar elementet e veprës penale të shpërdorimit të detyrës, parashikuar nga neni 248 dhe 25 i Kodit Penal”,- thuhet në kërkesën të drejtuar Prokurorisë së Sarandës, të firmosur nga kryeregjistruesi Ilirjan Muho.
 
 Shkrimi u publikua sot (26.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50