SARANDË - Dy doganierë, një efektiv i policisë kufitare dhe një qytetar u arrestuan nga policia pasi lejuan kalimin e mallrave kontrabandë në pikën kufitare të Qafë Botit në Sarandë. Ndërkohë një tjetër doganier në kontrollin fizik të zhddoganimit u shpall në kërkim.
 
Pasditen e 20 janarit, shërbimet e Antikontrbandës kanë ndaluar një furgon që drejtohej nga Antonil Zenelaj, ku gjatë kontrollit u konstatua se ishte i ngarkuar me goma të përdorura të pa zhdoganuara.  Nga hetimet e kryera - thotë policia përmes një njoftimi zyrtar - doganierët  në bashkëpunim me njëri-tjetrin kanë lejuar kalimin e mallrave duke shkelur ligjin.
 
Të arrestuarit
Erjon Barjami, 54 vjeç, banues në Sarandë (doganier - përgjegjës i grupit të turnit),
Kristaq Naço (doganier - i kontrollit fizik të zhdoganimit)
Hysni Bazaj, 59 vjeç, banues në Sarandë (efektiv i Policisë Kufitare - kontrollor)
 Antonil Zenelaj, 39 vjeç, banues në fshatin Vllahimë - Vlorë (drejtuesi i mjetit)
 
Kërkohet
5Migjen Nushi, 34 vjeç, banues në Vlorë (doganier - i kontrollit fizik të zhdoganimit)

Redaksia Online
(Gre.M/Shqiptarja.com)