Opozita pas vulës, Duka në 'Repolitix': Sistemi i padrejtë, më detyron të futem te koalicioni i Berishës! Ish-sekretari i PD: S'jam më në atë parti, u divorcuam

Vula e Partisë Demokratike në duart e Berishës ka sjellë disa pikëpyetje në lidhje me fatin e opozitës. Jo vetëm kaq por rikonfirmimi i Berishës në krye të opozitës ka sjellë dhe dyzimin se çdo të bëjnë partitë e tjera të vogla në opozitë. Në 'Repolitix' në Report Tv, u diskutua fati i PD dhe opozitës pas vendimit të vulës.

Kreu i Nisma Thurje, Endri Shabani shprehet për Denis Mingën, se Rama është gjithnjë fitues prej sistemit të padrejtë zgjedhor, pasi në 8 vite Rama dhe PS nuk kanë kaluar 48% të votave.

'Edi Rama kampioni i madh i zgjedhjeve, ka 8 vjet që nuk e kalon 50%. Ka 48%. Sistemi zgjedhor nuk është e dorës së dytë. Me një tjetër formulë, do ishte o në opozitë ose në koalicion. E ka bërë sistemin që ai merr 5 apo 6 mandate që nuk i takon. Sistemi zgjedhor është dizenjuar për ti dhënë avantazh partisë më të madhe. Është dizenjuar nga Sali Berisha dhe Edi Rama. Për të lënë jashtë çdo konkurrent me lista të mbyllura dhe kundërshtarë të jashtëm. Ky gjigandi i madh nuk ka guxim të konkurrojë me një sistem tjetër. ka bërë 52%, e ka penguar zotëria në mënyrë të  njëanshme koalicionet. Ka ndarë rajonet në mënyrë artificiale. Një mandat që duhet të kishte marrë Nisma Thurje në 2021, i ka shkuar Ramës. Koalicionet i ka hequr me ligj', tha Shabani.

LEXO EDHE:
Komisioni për Veprimtaritë Prodhuese/ Kërkohen amendime për buxhetin 2025! Agron Duka: Fermerët të subvencionohen për primin

Ai shton se sistemi mund të bëjë që ai dhe Berisha të kandidojnë në të njëjtën listë. Në këtë mënyrë firorjnë një shumicë votash.

'Imagjino të futet në një listë unë e Sali Berisha, a dal deputetë. Qytetari që nuk do të shohi as Sali Berishën as Ilir Metën as Edi Ramën. Ia ka heq të drejtën. I ka thënë futi tek xhepi i njërit prej tyre. Të bëjë një sistem të drejtë për qytetarin e zakonshëm', shton Shabani.

Deputeti Agron Duka thekson se Rama i do për vete tepsinë dhe timonin, duke mbyllur çdo rrugë për të rinjtë në politikë dhe partitë e reja.

'Kam një tufë komunistësh që më votojnë. Aty tek sqetlla e Berishës të jesh i sigurt që asfiksohen. Me siglën time kam identitetin tim. Jam para një fakti, ose të bëjë Pazar me Berishën, të hyj te sqetulla ose të bëj harakiri të dalë në vete. Edhe këta që vijnë me ide të reja, e kanë shumë të vështirë të hyjnë më vete. I kanë marrë frymën, nuk i lejnë. Si ka mundësi 4 mandate? Lëji Shqipërisë diçka. Leja mër burrë. Kaq shumë je i dashurum me pushtetin. I do vetëm, tepsinë vetëm, timonin vetëm. Mundet me sistemin e drejtë. Nuk e di aty brenda llojit, si nuk ka mundësi të mos flasi', thotë Duka.

Avokati pranë grupimit të Lulzim Bashës, Rezart Kthupi thekson se dje ndodhi divorci përfundimtar me Rithemelimin e Berishës.

'Militoj në një pjesë që nuk është pjesë e partisë demokratike. Unë nuk kam kryetar Sali Berishën. Dje në kryesi ka pasur diskutime të gjata. Ky grupimi që mëtonte të mbante vulën e PD, ti jepte një fije shprese ka një identitet të ndryshëm me ata që mbajnë vulën. Dje u divorcuam. Nuk na bashkon më asgjë. Kemi qëndrim të qartë pro atlantik, pro SPAK, pro SHBA. Deputetët në varësi të vullnetit të tyre do vendosin nëse do vazhdojnë të jenë pjesë e atij grupi.'

Shabani vijoi më tej duke thënë se partitë e reja nuk duhet të jenë të copëzuara, pasi me këtë sistem dëmtojnë njëri-tjetrin. Ai hedh idenë e bashkimit me Lapajn dhe Qorin.

'Këtu duhet ravijëzuar një front përballë së vjetrës. Copëzimi nuk na shërben. Ne të tre, si Adriatiku, Arlindi unë e Pano me Edlirën kemi vite që jemi pjesë e shoqërisë civile. Unë e shoh që të formojmë një front të përbashkët. Ti imponohemi establishmentit të vjetër. Nëse ne e zbresim Ramën nën 70 mandate, ne imponojmë parlamenti të votoj një qeveri që nuk e ka Ramën kryeministër. Të reformohet sistemi zgjedhor, të përmbyset sistemi taksimit. Duhet të jemi në parlament dhe të zbresim nën 70 mandate. Besoj se të rinjtë do jenë në parlament dhe në zgjedhjet e ardhshme askush nuk merr 70 mandate. Ata do zgjedhin të bëhen bashkë, dhe nga ana tjetër do jetë pala tjetër.'

Ibsen Elezi iu kthye Endri Shabanit duke i bërë thirrje lëvizjes së tij dhe të tjerëve të jenë më agresivë në politikë, pasi duhet rezistencë.

'Duhet të jenë agresiv në rregullat e lojës. Beteja e tyre duhet të jetë e ashpër. Nëse e humbin këtë betejë nuk ka besim tek opinioni. Duhet luftë politikë. Të jenë agresiv çdo ditë. Kjo është ajo që u jep besueshmëri atyre. Jam te PD, kam dy muaj që kërkoj fraksion. Nëse nuk luftohet këtë radhë dhe nuk ka kompromis këtë rradhë. PD po shkon tek listat e mbyllura. PS bëhet me PD, gjithë partitë e tjera duhet të luftojë shumë'.

Sakaq, Shabani shton se PD-ja është në fund të ciklit të saj dhe në vendet e tjera të bllokut të Lindjes nuk bëhet fjalë të gjesh politikanë të kohës së Berishës.

'PD është në fund të ciklit të vetë. Ajo që ka ndodhur në vendet e tjera të bllokut. Nuk bëhet fjalë të ketë politikanë të kohës së Berishës. Është fundi i ciklit. Ka mjaftueshëm votues që do çojnë në parlament në shumë vota. Por besoj se asnjë parti nuk merr mbi 70 mandate.'

Rendit zhvillimet sipas orarit:

Të Fundit Të Parat

G.K/SI.E./Shqiptarja.com

TAG:
• rezart kthupi
• agron duka
• Ibsen Elezi
• endri shabani
• repolitix