POP 5

Lajmet më të lexuara të 5 minutave të fundit

Kronikë

Kamera sigurie, tela me gjemba dhe policë me kallashnikovë/ Pamjet nga burgu 313-të ku izolohen 'kokat' e krimit

Të burgosurve dhe të paraburgosurve që do të izolohen u lejohet vetëm një takim familjar në muaj, ku ndalohet hyrja e personave apo sendeve të tjera, ndërsa bisedat i nënshtrohen regjistrimit audio dhe video.

Kamera sigurie, tela me gjemba dhe policë me kallashnikovë/ Pamjet nga burgu 313-të ku izolohen 'kokat' e krimit

Burgu 313 ne Tirane

Në dy burgje të vendit te 313-ta në Tiranë dhe në Peqin është aplikuar sistemi '41-bis', rregullat e izolimit për 'kokat' e krimit të organizuar. Më poshtë ju sjellim fotot e masave të rrepta nga burgu 313-të në Tiranë. Të rrethuar nga kamerat e sigurisë, teli me gjemba dhe policët e pajisur me kallashnikovë, dhomat e izolimit janë gati për të pritur kokat e krimit që do të thyejnë rregullat e vendosura. Pak ditë më parë u kërcënua me jetë drejtori i përgjithshëm i Burgjeve Agim Ismaili, ndërsa mesazhi dyshohet se i erdhi pikërisht  nga kjo kategori, që e pësoi nga sistemi '41 bis'.

Kushtet e izolimit
Të burgosurve dhe të paraburgosurve që do të izolohen u lejohet vetëm një takim familjar në muaj, ku ndalohet hyrja e personave apo sendeve të tjera, ndërsa bisedat i nënshtrohen regjistrimit audio dhe video. Gjithashtu të burgosurit që do të konsiderohen të rrezikshëm dhe që dyshohet se vijojnë kontaktet me botën e krimit jashtë, do t’u lejohet vetëm një bisedë telefonike në muaj, me kohëzgjatje maksimale dhjetë minuta.

Atyre do t’u ndalohet përdorimi i vlerave monetare, sendeve dhe objekteve që mund t’i marrin nga jashtë. Do t’u kontrollohet korrespondenca si dhe do reduktohet qëndrimi në ajrim në mjedise të hapura, deri në 2 orë, por jo më pak se 1 orë në ditë. Kohëzgjatja e regjimit të posaçëm të ushtrimit të të drejtave në burgun e sigurisë së lartë është një vit.

Kundër vendimit të Ministrit të Drejtësisë, për vendosjen apo zgjatjen e regjimit të posaçëm, i dënuari, i paraburgosuri apo avokati mbrojtës mund të paraqesin kërkesë ankimore brenda 20 ditëve, nga momenti i njoftimit të vendimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • krye: 14/01/2020 06:09

    atje duhet te shkojne te gjithe politikanet qr nga viti 90 e sot, ata jane kriminelet e vertete.

    Përgjigju
  • Hasani: 13/01/2020 18:23

    Dritan Dajti duhet te shpallet hero i Kombit qe vrau 4 police jo tte mjekoje dhembet ne bllok por ta shetisin me jaht.

    Përgjigju
  • karidi: 13/01/2020 17:48

    prandaj po i benin xhiro neper bllok dritan dajtit, me qe kercenoi drejtorin e burgjeve

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, Kevin Hajrulla u qëllua nga disa plumba në bark, ndodhet në gjendje të rëndë! Flet një dëshmitar: Sapo dëgjova të shtënat u shtriva barkas

Atentati në Vlorë, Kevin Hajrulla u qëllua nga disa plumba në bark, ndodhet në gjendje të rëndë! Flet një dëshmitar: Sapo dëgjova të shtënat u shtriva barkas

18 Dhjetor, 23:05