Kamëz, grabitet banesa, hajdutët
plagosin të zotin e shtëpisë

Një banesë në Kamëz është tentuar të grabitet nga dy persona të cilët kanë hyrë nga tarraca e pallatit.
 
Ngjarja ka ndodhur rreth orës 02:30 në Bulevardin Blu në vendin e njohur si pallatet e verdha, ku dy grabitësit kanë hyrë në banesën e A.V, 60-vjeç të cilët kanë hyrë nga tarraca e pallatit të katit 8.
 
Ata janë diktuar nga i zoti i banesë dhe për pasojë janë konfliktuar me njëri-tjetrin.
 
Nga konfrontimi fizik, ka ngelur i dëmtuar me mjete prerëse në këmbë i zoti i shtëpisë, i cili ndodhet në spital jashtë rrezikut për jetën.
 
Grupi hetimor po punon për zbardhjen e plotë të rrethanave të ngjarjes. 

Shpallet në kërkim autori
 
Policia e Tiranës ka bërë të mundur identifikimin e njërit prej autorëve të grabitjes ndërsa e ka shpallur në kërkim. Në një deklaratë policia informon: “Më datë 24.04.2017, rreth orës 02:30 në numrin e emergjencave civile 112 në Drejtorinë Vendore të Policisë Tiranë ka ardhur një telefonatë se në rrugën "Kastriotët" tek pallati "CLASS" është tentuar të vidhet me dhunë banesa e shtetasit A. V., 60 vjeç, banues në Tiranë. Si pasojë e kësaj ky shtetas ka hasur në një përleshje fizike me dy shtetasit të cilët kanë tentuar ti hynë në banesë. Ky shtetas është dërguar menjëherë në Spitalin Ushtarak Tiranë ku ndodhet nën kujdesin mjekësor dhe jashtë rrezikut për jetën Nga ana e specialistëve të hetimit krimeve të Komisariatit Nr 3 është bërë e mundur identifikimi i autorit të dyshuar të kësaj ngjarje i cili është shpallur në kërkim shtetasi: R. M. 26 vjeç, banues në Tiranë. Ky shtetas në bashkëpunim dhe me një person tjetër ende të paidentifikuar kanë tentuar te hynë me dhunë në banesën e shtetasit A. V.,.dhe janë larguar me shpejtësi nga vendi i ngjarjes. Po punohet për kapjen e tij, dhe identifikimin e autorit tjetër. Materialet i'u kaluan Prokurorisë pranë Gjykatës së Shkallës së Parë Tiranë për veprën penale të “Vjedhjes me dhunë e kryer në bashkëpunim“ dhe “Mbajtjes pa leje të armëve të ftohta” e parashikuar nga Nenet 139, 279 dhe 25 të Kodit Penal”.

Redaksia Online
B.B/Shqiptarja.com

/Shqiptarja.com