POP 5

Lajmet më të lexuara të 5 minutave të fundit

Kronikë

Kamioni me 2.6 ton kanabis/ Procedohet dhe një tjetër person, hetimet zgjatën disa muaj! Del video e re nga operacioni

Fillimisht dyshimet ishin se  se sasia e lëndës narkotike mund të jetë ngarkuar në territorin shqiptar, por më pas kjo është hedhur poshtë pasi sipas burimeve është arritur të vërtetohet se paketimi i frutave së bashku me drogën është bërë pa hyrë në Shqipëri.

TIRANË- Strukturat e policisë shqiptare janë ngritur në këmbë pas sekuestrimit mbrëmjen e së martës të 2.6 ton marijuanë brenda një kamioni në Malin e Zi që kishte kaluar përmes territorit të vendit tonë nga dy pika kufitare, Kapshtica dhe Hani i Hotit.

Burime nga policia, thanë për Report TV se ka nisur një hetim i gjetë për të zbardhur të gjithë personat që janë përfshirë në kalimin e kësaj sasie të konsiderueshme droge.

Të njëjtat burime thanë se nga hetimi i deritanishëm, rezulton se marijuana të ketë qenë e fshehur brenda ngarkesave me fruta që në Greqi, nga kamioni është nisur. Për kohën e shkurtër të qëndrimit në territorin shqiptar, thanë burimet, është e pamundur që lënda narkotike të jetë bashkuar me frutat brenda Shqipërisë, që deri më tani, mendohet të jetë vetëm tranzit  për kalimin e drogës në destinacion final, vendet e Bashkimit Europian.

Hetimet e policisë janë përqendruar në pikën kufitare të Kapshticës, aty ku kamioni ka kaluar për herë të parë, nëse ka pasur apo jo shpërdorim të detyrës nga ana e efektivëve kufitarë apo punonjësve të doganës, për të mos kontrolluar ngarkesën në kamion dhe për të mos bërë skanimin. Të njëjtat hetime po kryehen edhe për pikën e Hanit të Hotit, tek e cila gjithashtu marijuana nuk është pikasur. Në lidhje me këtë sasi të madhe droge të sekuestruar në Mal të Zi, deri tani është një person i arrestuar,shoferi 40-vjeçar i kamionit Ervis Çalliku.

Autoritetet malazeze njoftojnë ndërkohë edhe për përfshirjen e një tjetër personi, identiteti i të cili nuk dihet akoma, njëkohësisht as kombësia.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça