Kampingjet në plazhin e vjetër të Vlorës, turistët: Mrekulli e natyrës, por mungon pastërtia

VLORË- Vlora vijon te mbetet një nga destinacionet e preferuara për turistet e huaj. Te vendosur ne zonen e plazhit te vjetër dhjetëra turiste kanë mbërritur me kampera përmes kufijve tokësorë.

Ata vlerësojnë bukuritë e natyrës, por shprehin shqetësim për mungesën e pastërtisë në zonën bregdetare.

“Unë vij nga hanoveri, Gjermania. Është hera e parë që jam këtu dhe gjithçka është e mrekullueshme, por problem mbetet pastërtia. Duket më shumë vëmendje në këtë aspekt”.

LEXO EDHE:
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot

“Kemi udhëtuar nga Greqia për të mbërritur në Vlorë. Është vend i mrekullueshem, na pëlqen gjithçka këtu, por veç Vlorës do të vizitoj edhe vende të tjera”

“Jemi nga Belgjika dhe kemi ndërmarrë një udhëtim 6 muaj në vende të ndryshme. Në Vlore jam për herë të parë. Është vend i shkëlqyer. Shumë i bukur. Kam vendos edhe një lisharese relaksi. Do të rikthehem ndoshta edhe me miq të tjerë”.

“Vlora ka gjithçka të bukur. Mbi të gjitha njerëzit që janë të qetë dhe shumë miqësor. Vlora është një mrekulli e natyrës”.

“Jemi nga Polonia por jetojmë ne Gjermani. Kemi ardhur edhe katër vjet me pare kemi vizituar veriun e vendit, këtë vit zgjodhëm jugun, Vlorën e Sarandën. Polonia dhe Shqipëria janë vende mike. Këtu gjen gjithçka. Faleminderit Shqipëri”, thanë turistët.

Nga Gjermania, Belgjika, Polonia apo edhe Çekia turistët e huaj thanë se përpos Vlorës do udhëtojnë dhe në qytete të tjera të Shqipërisë. 

B.K./Sh.Sh/Shqiptarja.com

TAG:
• sezoni turistik
• turiste
• Vlore