POP 5

Lajmet më të lexuara të 5 minutave të fundit

Sport

Kampionati Europian i Peshëngritjes në Rusi, Briken Calja fiton dy medalje

Briken Calja nuk ka mundur të përsërisë veten në kampionatin Europian të peshëngritjes që po zhvillohet në Moskë. Gjithsesi shqiptari ia doli që të fitonte dy medalje, të argjentë në shtytje dhe të bronztë në dy garësh.

Briken Calja nuk ka mundur të rimarrë titullin kampion Europë, pasi në garën e Rusisë nuk i përmbushi pritshmëritë. Gjithsesi peshëngritësi elbasanas ka fituar dy medalje, të argjendtë në shtytje dhe të bronztë në dy garësh për kategorinë 73 kilogramë.

Rezultati mund të kishte qenë më i mirë në rast se Calja në stilin e shkëputjes nuk do kishte dështuar në dy prova. Ai fillimisht ngriti 152 kilogramë, ndërsa në provën e dytë dhe të tretë nuk ia doli për 157 kilogramë. Në këtë stil ai u rendit në vendin e katërt, ndërsa humbi podiumin vetëm për shkak të peshës trupore.

Më tej, 31-vjeçari bëri një figurë pozitive në stilin e shtytjes. Në provën e parë Calja dështoi për 183 kilogramë, ndërsa në të dytën ia doli me sukses për 184 kilogramë. Më tej shqiptari tentoi edhe për 188 kilogramë në provën e tretë, por nuk ia doli.

Gjithsesi 184 kilogramë në shtytje mjaftuan që Calja të fitonte medaljen e argjendtë, ndërsa kjo i dha edhe medaljen e bronztë në dy garësh me 336 kilogramë në total.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Artur: 08/04/2021 10:09

    Bravo sportisteve te peshengritjes qe na perfaqesuan ne Europian dhe fituan per me teper dhe medalje. Bravo, bravo, bravo!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16