Për 12 ditë me radhë, sytë e botës u kthyen në Kanë, një perlë e rivierës franceze, ku producentë, regjisorë, publicistë dhe yje kinemaje u mblodhën për të promovuar filmat premierë.
Juria ndërkombëtare e kryesuar nga regjisori i njohur Steven Spielberg, do të nderojë me çmimin prestigjoz, “Palma e Artë” filmin më të mirë. Garojnë 20 filma nga 10 shtete. Këtë vit, në festivalin e 66 të Kanës, morën pjesë filma nga regjisorë të famshëm, Roman Polanski, vëllezërit Cohen etj.
Festivali i Kanës është cilësuar gjithmonë si një nga ngjarjet më joshëse të kalendarit showbiz. Pikërisht aty, yje të kinematografisë nga e gjithë bota, u shfaqën me gjithë elegancën dhe bukurinë e tyre duke buzëqeshur para kamerave dhe aparateve fotografikë, të veshur nga stilistët më të mirë të planetit.
Tapeti i kuq në Kanë është padyshim pasarela e pranverës më prestigjoze në botë.
Redaksia Online
(l.c/b.y/shqiptarja.com)
![](https://www.shqiptarja.com/template/img/sh_logo1.png)