“Kur u zgjova, ishte e tmerrshme. Nuk mund as të telefonoja për ndihmë pasi telefoni nuk kishte bateri. Kërkova ndihmë përmes një të çare” - Me këto fjalë e përshkruan në facebook makthin e saj Tiffani Adams, një udhëtare kanadeze e harruar në avionin Air Canada.

Adams, duke vuajtur nga ankthi dhe pagjumësia, mbylli sytë dhe fjeti gjatë fluturimit që zgjati 90 minuta, nga Quebec City në Toronto.

Në Toronto, në orën 10:40, avioni u ul në pistë dhe pasagjerët u larguan, ndërsa gruaja mbeti brenda, në gjumë, pa u vënë re nga askush.

"U zgjova rreth mesnatës, ende me rripin e lidhur. Isha në errësirë ​​të plotë dhe e tmerruar. Mendova se ishte një ëndërr e keqe, pastaj kuptova se ishte e vërtetë. Hyra në kabinën e pilotit dhe u përpoqa të nisja sinjale për ndihmë me një pishtar, nga dritarja".

Sapo u shpetua nga ndihma e shpejtë, shoqëria ajrore i kërkoi falje pasagjeres  dhe e pyeti nëse dëshironte një limuzinë dhe një hotel, por gruaja nuk e pranoi ofertën.