POP 5

Lajmet më të lexuara të 5 minutave të fundit

Bota

Kancelarja Merkel: Do të bëj vaksinën AstraZeneca kundër COVID-19! Nëse miratohet nga EMA, të hapur ndaj Sputnik V

Kancelarja e Gjermanisë, Angela Merkel tha se do të bëjë vaksinën AstraZeneca kundër COVID-19.

GJERMANI- Kancelarja e Gjermanisë, Angela Merkel tha se do të bëjë vaksinën AstraZeneca kundër COVID-19.

“Unë do të bëj vaksinën AstraZeneca kundër COVID-19, por po pres të më vijë radha.”, tha kancelarja.

Deklarata e Merkelit erdhi pas raportit të publikuar nga EMA, dy ditë më parë, se AstraZeneca është e sigurt dhe efektive.

Gjermania ishte një ndër shtetet evropiane të cilat pezulluan për disa ditë AstraZeneca, në pritje të miratimit përfundimtar nga Agjencia Evropiane e Barnave dhe ditën e djeshme rinisi vaksinimin në vend.

Angela Merkel tha gjithashtu se Gjermania është e hapur ndaj përdorimit të vaksinës ruse, nëse ajo miratohet nga Agjencia Evropiane e Barnave.

“Për vaksinën ruse kam qenë e mendimit se nëse aprovohet nga Agjencia Evropiane e Barnave mund ta përdorim”, tha ajo.

Fillimisht Gjermania është konsideruar një ndër vendet evropiane të cilat janë përballur më mirë me COVID-19, por duket sikur vala e dytë ka “goditur” vendin.

Pavarësisht se procesi i vaksinimit po ecën siç duhet dhe masave anti-COVID, situata epidemiologjikë në vend ende nuk është stabilizuar.

Rendit zhvillimet sipas orarit:
Ora 14:43
Kryeministri italian Draghi: Do të bëj vaksinën AstraZeneca kundër COVID-19

ITALI- Kryeministri italian Mario Draghi tha se do të bëjë vaksinën AstraZeneca kundër COVID-19.

“Nuk kam rezervuar ende një vend, por grup moshës sime i lejohet ta bëjë këtë vaksinë, kështu që do ta bëj”, tha kryeministri.

Itali ishte një ndër shtetet evropiane të cilat në fillim të kësaj javë, të hënën pezulloi përdorimin e AstraZeneca, pas pretendimeve se ajo kishte efekte anësore.

Por dy ditë më parë, me publikimin e raportit të Agjencisë Evropiane të Barnave, Italia ditën e djeshme rinisi sërish vaksinimin e qytetarëve me AstraZeneca.

Ai foli edhe lidhur me vaksinën ruse, duke thënë se Italia mund ta përdori edhe nëse ajo nuk aprovohet nga EMA.

Itali është vendi i parë në botë i cili ka lidhur në kontratë me Sputnik V, pasi përmes kompanisë farmaceutike zvicerane Adienne Pharma & Biotech SA, ajo prodhohet në vend.

Numri total i infektimeve ka shkruan 3,332,418, ndërsa ai i viktimave është 104,241 në të gjithë vendin që nga fillimi i pandemisë.

Itali është një ndër vendet më të prekura nga pandemia dhe pasojat e saj socio-ekonomike, dhe megjithëse në fuqi ka masa mjaft shtrënguese anti-COVID ende situata epidemiologjike nuk është e stabilizuar.

J.GJ./Shqiptarja.com

J.GJ./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34