Vettingu rrezikon kandidatin e SPAK/ Pas aksidentit braktisi vendngjarjen në 2016

Kandidon për të qenë pjesë e Prokurorisë së Posaçme kundër korrupsionit dhe krimit të organizuar por vettingu zbulon se teksa është përfshirë në një aksident është larguar nga vendngjarja në vitin 2016.

Nga hetimi administrativ i vettingut, Nakuçi rezultoi me probleme edhe tek pasuria tek deklarimet ndër vite dhe mos justifikimi i disa pronave, edhe pse inspektoriati i deklarimit të pasurive kishte sjellë raport se gjithçka ishte në rregull.

Për Nakuçin eprorja e tij Donika Prela kishte sjellë dhe një raport ku e cilësonte si braktisje të detyrës në procesin Shullazi largimin e prokurorit Nakuçi për plot 45 ditë pa lënë asnjë adresë dhe duke fikur telefonat.

Ndalur tek paratë, ndër vite rezultoi se Nakuçi disa shifra në afro 1 milion e 200 mijë lekë të reja kishte harruar t'i deklaronte por ishte kujtuar për këto llogari vetëm tek deklarata e vettingut.

Vetë Nakuçi pretendon se në raportin e Donika Prelës është thënë se u largua papritur dhe më pas ka komunikuar me të se do vonohet më shumë se 45 ditë. Ai thotë se u konstatua mungesë në dokumentacion për 2500 dollarë të cilat i ka marrë hua të motrës dhe vjehrrës dhe 5000 dollarë të huazuara nga xhaxhai në Amerikë.

Prokurori Nakuci është vënë edhe përball kritikave të përfaqësuesit të ONM-s Teo Jacobs për mënyrën se si prokurori kryen veprimet pa mbajtur asnjë dokument edhe përgjatë komunikimit me oficerët e policisë gjyqësore.

Pas Nakuçit në vetting u paraqit një tjetër kandidat për SPAK, Edvin Kondili i cili është edhe prokurori i 613 kg kokainë.

Kondili rezultoi se s'kishte probleme në të tre kolonat si pasuri, profesion, integritet moral ndërsa vlerësoi procesin e vetting duke kërkuar rikonfirmim në detyrë. Vendimet për të dy kandidatët e SPAK pritet të jepen më datë 7 qershor ora 12 dhe 14.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet