Kandidati i PD-së për Mallakastrën, Kapllanaj: Më 14 maj ndëshkoni këdo që la Bashkinë në harresë

Kandidati i PD për bashkinë Mallakastër, Agron Kapllanaj e ka paraqitur kandidaturën e tij si të vetmen alternativë për këtë zonë.

Kapllanaj u bën thirrje qytetarëve ta votojnë 14 majin këdo që i ka lënë në harresë.

“Si në njësite administrative në fshatra, por edhe në lagjet e qytetit, situata është e njëjtë.

Bashkia Mallakastër, në 4 vitet e fundit, ka qene inekzistente. Banorët kujtojnë vetëm punët që janë bërë kur pushteti vendor drejtohej nga unë, madje as mirëmbajtja e tyre nuk është bërë dhe po shkojnë drejt shkatërrimit!

E njëjta situatë duket edhe në lagjen "5 Shkurti", ku banorët shprehin shqetësimin për mungesën e vëmendjes.

Ata e dinë që bashkë do t'i rikthehemi punës, prandaj në 14 Maj do të ndëshkojnë këdo që i la në harresë.

Duke më falënderuar për veprat e lëna në këtë lagje, më dhanë premtimin se në 14 Maj do të bëjmë ndryshimin për t’i dhënë frymëmarrje Mallakastrës.”- shkroi ai.

Lajmi kryesor:

Dita e 13-të e fushatës/ Kandidatët premtime nga terreni! Filo: Projektet që kemi do zhvillojnë ekonominë! Sharka: Do kthejmë barakat e të persekutuarve në muze

G.MO/Shqiptarja.com

TAG:
• Agron Kapllanaj
• Fier
• mallakaster