Zbardhen detaje të reja dhe pamjet e gomones me 1.6 ton drogë, e cila u bllokua në Greqi pas një aksioni ku pati edhe të shtëna me armë zjarri, ndërsa një skafist u plagos. Sipas medieve greke, gomonia u nis nga Jugu i Shqipërisë me destinacion Italinë.

Mediat greke kanë publikuar edhe foto brenda gomones, e cila ishte përshtatur për të transportuar sasinë e madhe të drogës që u sekuestrua. Gomonia u pikas në ujërat në veri të Korfuzit, ndërsa operacion i madh anti-drogë në shtetin grek u zhvillua pranë kufirit detar me vendin tonë. Ndjekja e gomones u bë nga ajri dhe deti për 22 orë, ndërsa u ndalua në ishullin Tzia pasi motorët e gomones u goditën nga snajperistet e policisë.

Në pranga kanë rënë 4 shqiptarë dhe 2 italianë. Fillimisht në gomone janë arrestuar 2 shqiptarë dhe një italian, ndërsa 3 të tjerët në një banesë. Njëri prej 6 të arrestuarve është i plagosur, por nuk dihet nëse është shqiptar apo italian.

Gomonia me të cilën po transportohej droga ishte 12 metra e gjatë, me 3 motorë nga 350 kuaj fuqi secili. Operacioni është kryer nga forcat e kufirit detar grek që janë pjesë e Marinës Ushtarake.

Operacioni është drejtuar nga vete komandanti nënadmirali Raptis. Kanë marrë pjesë edhe trupat speciale të marinës greke që janë forca elitare e ushtrisë greke. Autoritetet sipas mediave greke kishin informacion per grupin kriminal qe vepronte në Shqipëri-Itali dhe Greqi.

[gallery]24875[/gallery]

Faksimile
Faksimile e lajmit të medieve greke për drogën, që sipas tyre gomonia u nis nga Shqipëria

[gallery]24875[/gallery]

dy.b/shqiptarja.com