Kokainë me vlerë mbi 10 milionë dollarë të një organizatë kriminale të quajtur “Roll Royce” janë sekuestruar nga autoritetet në Peru.

Sipas mediave lokale drejtuesi i kësaj organizate është një malazes me emrin Nicola Berishaj, i njohur me nofkën “baba”. Ai ishte i dërguari i trafikantëve shqiptarë të drogës.

Operacioni i quajtur “Protokolli 2023” u krye njëkohësisht në tre pika, ku u sekuestruan 114 pako kokainë, me vlerë mbi 10 milionë e 400 mijë dollarë amerikanë.

Mes të arrestuarve është edhe Segundo Fernando Sangama Flores, i njohur ndryshe si “Chuy”, i cili ishte përgjegjës për ruajtjen e pakove të kokainës. Sipas mediave vendase, operacioni erdhi pas disa muajsh hetime që i lejoi policisë të lokalizonte një shtëpi në San Martín de Porres, ku u gjetën pakot e drogës të vendosura në një furgon të vogël.

Gjatë operacionit u sekuestruan 1290 euro, 3587 dollarë, bizhuteri dhe dhjetëra pajisjeve që përdorte organizata për të komunikuar. Nga hetimi u zbulua gjithashtu se Nicola Berishaj, alias “Baba”, prezantohej si pastor i një kishe ungjillore për të mos ngjallur dyshime. Pavarësisht se është identifikuar nga policia, Berisha ka arritur të largohet dhe nuk dihet vendndodhja e tij.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Delja zez: 20/10/2023 12:24

    _____ alelujaaaaa...hahaha

    Përgjigju
  • Sondazhi i ditës: 20 Janar, 20:34

    15 vite nga ‘21 janari’, kush mendoni se urdhëroi për të qëlluar qytetarët?

Lajme të tjera