Fushata sensibilizuese duket se nuk i ka ndërgjegjësuar qytetarët për vendosjen e rripit të sigurimit gjatë udhëtimit, apo edhe shoferët për mos përdorimin e celularit dhe zbatimin e Kodit Rrugor. 

Policia Rrugore gjatë 24 orëve të fundit ka ndëshkuar 134 qytetarë për mos vendosje të rripit të sigurimit.
 
Vetëm në Tiranë janë 34 qytetarë të ndëshkuar me masë administrative për mos vendosje të rripit të sigurimit.
 
Gjithashtu janë vendosur për shkelje të ndryshme edhe 1010 masa administrative.
 
Janë arrestuar 2 drejtues mjeti të pa pajisur me leje drejtimi dhe 2 drejtues mjeti ne gjendje te dehur.
 
Janë pezulluar gjithsej 33 leje drejtimi, nga këto 6 për alkool, 15 për shpejtësi dhe 12 për shkelje të ndryshme.
 
Janë vendosur 59 masa për mos vendosje të kaskës mbrojtëse,
 
54 masa për përdorim të celularit gjatë drejtimit të automjetit,
 
223 masa administrative per shpejtësi.
 
Si dhe pjesa tjetër për shkelje të ndryshme të Kodit Rrugor.


dy.b/shqiptarja.com