Nuk ndalet fluksi i emigrantëve nga vendet e Lindjes së Mesme. 25 refugjatë janë kapur ditën e sotme në Kapshticë. Burime nga Policia e Korçës bëjnë të ditur se emigrantët e ndaluar janë të kombësive siriane, irakiene dhe palestineze. 

Një pjesë e tyre u kapën në fshatin Trestenik si dhe një pjesë tjetër në qendër të Bilishtit. Mes emigrantëve ka gra dhe fëmijë të vegjël. Ata janë transportuar drejt qendrës së azilkërkuesve në Tiranë.