Kapshticë,sekuestrohen 92 kg drogë
në një kamion, kapen dy trafikantët

92 kilogram lëndë narkotike janë sekuestruar sot në Pikën Kufitare të Kapshticës në një kamion ndërkohë që janë vënë në pranga dy trafikantët e saj.

Policia e Korçës bën të ditur se, gjatë kontrollit me qen antidrogë, në vijën e dytë në dalje, ku mjeti  tip kamion i markës “Scania” me targa AA630 KO, u përzgjodh për kontroll të detajuar, u krijuan  dyshime  se në pjesën e serbatorit të mjetit, ishte fshehur  lëndë  e dyshuar narkotike.

Kontrolli më pas, ka vijuar edhe me procesin e skanimit të kryer nga Dogana, ku në një vend të përshtatur, pikërisht  tek pjesa e serbatorit   u  evidentuan 18 pako të mbështjella me letër natriban, me peshë 92 Kg lëndë narkotike të dyshuar si "Cannabis Sattiva".

Menjëherë pas konstatimit të drogës, policia prangosi  Artur Yzeiri 51-vjeç dhe Astrit Haxhi, 55-vjeç, ku Artur Yzeiri ka qenë drejtues i mjetit, ndërsa Astrit Haxhi pasagjer.