POP 5

Lajmet më të lexuara të 5 minutave të fundit

Kronikë

Karçanaj: Aplikimi për pension, 816,640 dokumente të kursyera për qytetarët

56 shërbime publike të Institutit të Sigurimeve Shoqërore ofrohen online në platformën e-Albania. Falë të cilës, veçanërisht për shërbimet e ISSH-së qytetarët nuk kanë kursyer vetëm kohë, ecejake e lodhje, por kanë kursyer edhe dokumentet shoqëruese, që i duhen gjatë aplikimit.

Karçanaj: Aplikimi për pension, 816,640 dokumente të kursyera për qytetarët

56 shërbime online në e-Albania

56 shërbime publike të Institutit të Sigurimeve Shoqërore ofrohen online në platformën e-Albania. Falë të cilës, veçanërisht për shërbimet e ISSH-së qytetarët nuk kanë kursyer vetëm kohë, ecejake e lodhje, por kanë kursyer edhe dokumentet shoqëruese, që i duhen gjatë aplikimit.

“Pensionistët janë përfituesit më të mëdhenj nga e-Albania. Nuk mbahet më radhë në zyrat Institutit të Sigurimeve Shoqërore, pasi si aplikimi për pension e çdo vërtetim tjetër kryhet në e-Albania”, shkruan Drejtoresha e Përgjithshme e AKSHI-t, Linda Karçanaj, ndërsa bën me dije shifrat e aplikimeve për pension dhe dukumentet që u janë kursyer pensionistëve falë e-Albania.

“468,631 aplikime online vetëm për shërbimet e ISSH në e-Albania, nga të cilat 74,240 aplikime vetëm për pension, nga 1 janari 2020. 816,640 dokumente janë gjeneruar nga vetë administrata falë digjitalizimit vetëm për aplikimet për pension. Tanimë, falë platformës për të aplikuar për pension, pensionistit i duhen vetëm 3 dokumente, nga 14 që duheshin më herët”, përfundon Karçanaj.

Nëpërmjet shërbimit online, në e-Albania, “Aplikim për pension pleqërie, suplementar pilot, suplementar lundrues i nëndetëseve apo suplementar për akademik”, qytetarët kanë mundësi të aplikojnë online për përfitimin e pensionit. Mjafton të klikoni butonin “Përdor”; Të përzgjidhni llojin e pensionit për të cilën do të parashtroni kërkesën për përfitim; Të plotësoni formularin elektronik me të dhënat e nevojshme mbi periudhat e punësimit, marrëdhëniet financiare si dhe përfitimeve të tjera të nevojshme dhe të shtypni: “Dërgo” për të finalizuar aplikimin.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Sekretari Blinken viziton Japoninë

Sekretari Blinken viziton Japoninë

7 Janar, 18:20