POP 5

Lajmet më të lexuara të 5 minutave të fundit

Kronikë

‘Ushtari’ i Laert Haxhisë u kap me armë e kartë greke false, Marjus Tafanit iu gjetën edhe tre celularë dhe euro

Report TV siguron materialet që iu sekuestruan Artan Tafanit në momentin e arrestimit. Ndër to është dhe një kartë greke me të cilën duket që lëvizte për të kontaktuar edhe Laert Haxhiun.

Bashkëpunëtori i drejtësisë Artan Tafani, i njohur edhe me emrin Marjus Tafani, i cili zbardhi gjashtë vrasje dhe pesë atentate me tritol të kryera nga banda e Laert Haxhiut, lëvizte me një kartë identiteti greke të falsifikuar.

Report TV ka siguruar fotot e sendeve që i janë sekuestruar Tafanit në momentin e arrestimit në një hotel, ku veç kartës greke, duken edhe një pistoletë me një karikator fishekësh, tre celularë dhe një sasi eurosh dhe çelësat e automjetit.

Kartën greke i riu mendohet se e ka përdorur gjatë lëvizjeve të tij me qëllim që të mos identifikohej për shkak të precedentëve penalë që kishte. Krimi i fundit që ka kryer Marjus Tafani është grabitja e pikës së këmbimit në qershor në zonën e Astirit.

U konsiderua grabitës gjakftohtë kur më 24 qershor, nën kërcënimin e armës, mori me dhunë rreth 30 mijë euro në një pikë të këmbimit valutor në Tiranë. Por, Artan Tafani u bë“bingoja” e re e organeve të drejtësisë për shpluhurosjen e ngjarjeve të vjetra kriminale.

Tafani u arrestua në Lushnjë, në vendlindjen e tij, pas ditësh i mbajtur në vëzhgim. Kapja e tij do të rezultonte në një bashkëpunim të shpejt për të rrëfyer disa prej vrasjeve që kanë tronditur vendin në vitet 2018-2021 në Elbasan, Tiranë, Lushnjë, Tepelenë, Korçë dhe Durrës. Artan Tafani rrëfeu për zbardhjen e 6 vrasjeve, 5 rasteve të shpërthimeve me eksploziv, 2 vjedhje me dhunë, 3 rasteve të sigurimit  të kushteve dhe mjeteve për të kryer vrasje dhe 1 rast të kanosjes së punonjësve të policisë, duke fundosur veten dhe anëtarë të tjerë të bandës së Laert Haxhiut, përfshirë edhe këtë të fundit, që çoi në firmosjen e urdhër-arresteve në operacionin “Kurrë mos harro”.

Lajmi ne perditesim..

1695973853_arme.jpeg

Sendet e sekuestruara të Arjan Tafanit
 

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58