KATAR 2022/ E pabesueshme në Doha, Arabia Saudite i merr 3 pikët Argjentinës pretendente! E mposht 1-2 (VIDEO-GOL)

Arabia Saudite fitoi 2-1 me Argjentinën në Botërorin 2022. Për grupin C të kompeticionit, skuadra nga Lindja e Mesme ka bërë surprizën më të madhe deri tani në këtë event. Ylli i Argjentinës, Angel Di Maria ka thënë se mund të fitonin 5-0 këtë ndeshje.

"Mund ta kishim fituar ndeshjen kundër Arabisë Saudite 5-0. Tani kemi dy finale para nesh dhe do të bëjmë më të mirën për t’u kualifikuar, jemi të mërzitur për rezultatin", tha Di Maria.

Kombëtarja e Arabisë Saudite ka arritur sot një fitore historike ndaj Argjentinës me rezultatin 1-2. Kjo është një fitore e jashtëzakonshme dhe historike për Arabinë Saudite – kurse një dëshpërim i madh për Messin me shokë.

Ndërkohë që në rrjetet sociale është bërë virale një video e komentatorit arab pas golit të avantazhit për Arabinë Saudite, i cili nga gëzimi ulëret ‘Allahhhh’.

Trajneri i Argjentinës, Lionel Scaloni foli pas humbjes së skuadrës së tij 1-2 nga Arabia Saudite në Botërorin e Katarit.

"Duhet ta lëmë pas këtë humbje e të ecim përpara. Sot ishte një ditë “jo” për ne, e trishtueshme do të thosha, por nuk kemi kohë për të humbur, duhet të ngremë kokën e të shohim ndeshjet që kemi para. Në pjesën e parë ishim dominues në mënyrë të padiskutueshme. Do të bëjmë nalaizën tonë me qetësi. Nuk mund të anashkaloj se pozicionet e parregullta që na anuluan golat ishin milimetrike.

Ne vazhdojmë të mendojmë në të njëjtën mënyrë. Para ndeshjes na konsideruan si favoritë, por në një Botëror këto gjëra mund të ndodhin. Do të punojmë në aspektet që nuk shkuan mirë", tha Scaloni.

Arabia Saudite mori një rezultat historik në Kupën e Botës, teksa mundi 2-1 Argjentinën në grupin C. Ngjarja ka bërë bujë në çdo medie ndërkombëtare, teksa raportohet se mbreti Selman i Arabisë Saudite e ka shpallur të mërkurën ditë feste. Të gjithë do jenë pushim dhe në sheshe do festohet ky rezultat historik. E pabesueshme sesa ndikim ka futbolli.

Argjentina humbi këtë të martë 1-2 me Arabinë Saudite në Botërorin e Katarit. Skuadra e Lionel Scaloni ndërpret kështu ecurinë e jashtëzakonshme, teksa në 36 ndeshjet e fundit nuk kishte pësuar humbje. Disfata e fundit për "Albiceleste" datonte në 3 korrikun e 2019 kundër Brazilit në Kupën e Amerikës. Nga humbja e Argjentinës "buzëqesh" edhe kombëtarja e Italisë, që vijon të mbajë rekordin me 37 ndeshje si e pamposhtur.

Fitorja 2-1 e Arabisë Saudite me Argjentinën në Botërorin e Katarit është tema më e përfolur e orëve të fundit. Pasi shtangën dhe përmbysën Argjentinën e Messit me shokë, lojtarët e Arabisë Saudite kanë pozuar me legjendën e Italisë dhe Juventus, Aleksandër Del Piro. Shumë yje të futbollit janë në Doha gjatë Botërorit.

Arabia Saudite fitoi 2-1 me Argjentinën në Botërorin 2022. Për grupin C të kompeticionit, skuadra nga Lindja e Mesme ka bërë surprizën më të madhe deri tani në këtë event, teksa festa ka qenë e madhe për tifozët. Aq shumë kanë gëzuar në Arabinë Saudite sa kanë shkulur edhe një nga dyert e banesës në gëzim e sipër.

Ajo mes Argjentinës dhe Arabisë Saudite ishte një ndeshje që do të mbahet mend gjatë në historinë e kampionateve botërore.

Humbja e Messit dhe yjeve të tjerë argjentinas nga ekipi modest i Arabisë Saudite ka shënuar një prej surprizave më të mëdha.

Kjo foto e tregon më së miri atë që prodhuan 90 minutat e luajtura në Doha sot duke filluar nga ora 11:00. Mesi kokulur ndërkohë që 2 lojtarët arabë falënderojnë Zotin, të ndërgjegjshëm se pa ndihmën e tij nuk do ta arrinin një sukses kaq të madh.

Arabia Saudite është kombëtarja e parë që i shkakton humbje Argjentinës pas më shumë se 3 vitesh. Kjo ishte edhe arsyeja përse arabët dukeshin të pashpresë në fillim të ndeshjes, duke qenë se disfata e fundit për ‘albicelestët’ daton më 3 korrik 2019 kundër Brazilit në Kupën e Amerikës.

Prej atëhere Argjentina kishte fituar një Kupë Amerike dhe Finalen e Madhe ndërkoninentale me Italinë. Tani humbja me Arabinë Saudite do të mbahet mend si një nga dështimet më të mëdha të kësaj kombetarje në një kohë që nisej si protagoniste.

Për rrjedhojë të mënjëhershme kanë qenë memet për këtë humbje. Ironia me foton e fundit të Messi-t me Ronaldon, portugezi që tregonte rezultatin, Maradona që qeshte nga qielli apo krahasimi i mbrojtjes legjendare të Milanit me atë të Arabisë Saudite, janë disa nga memet që kanë marrë më shumë shpërndarje.

Argjentina humbi 1-2 me Arabinë Saudite në sfidën hapëse të Botërorit 2022. Për grupin C, Albiceleste e Lionel Scalonit u përmbys në pjesën e dytë. Pas ndeshjes, kapiteni dhe ylli i ekipi, Lionel Messi tregoi zhgënjimin.

"Ishte një goditje e rëndë për ne. Nuk prisnim të fillonte kështu. Sidoqoftë, duhet t’i fitojmë ndeshjet e mbetura, gjithçka varet nga ne", tha Messi shkurtimisht.

Arabia Saudite fitoi 1-2 me Argjentinën në ndeshjen e parë të grupit C në Botërorin 2022. Pas ndeshjes, tifozë e Arabisë Saudite kanë festuar para atyre latinë duke përmendur CR7. "Siuuu", bërtasin jashtë stadiumit tifozët e Arabisë Saudite, para atyre të Argjentinës.

Një episod i fortë përplasje ka ndodhur në minutat shtesë mes Argjentinës dhe Arabisë Saudite.

Teksa amerikano latinët po këmbëngulnin për të barazuar rezultatin portieri i Arabisë Saudite doli të kapte topin në ajër, por në atë momente përplasi ashpër shokun e skuadrës. Portieri i vendosi gjurin në ftyrë Al Shahrami, i cili nga përplasja e fortë e pati të pamundur të vazhdonte lojën.

Madje pati edhe frikë, pasi futbollisti i Arabisë Saudite për disa çaste nuk reagoi.

90+8’ Mbyllet ndeshja e parë e grupit C me surprizën e madhe të Arabisë Saudite, që fitoi 1-2 me përmbysje kundër Argjentinës.

53’ E pabesueshme se çfarë ndodhë në Doha. Arabia Saudite ka përmbysur rezultatin Argjentinës për 5 minuta. Këtë herë autori i golit është Al Daësari.

48’ Al Shegri ka shtangur Argjentinën, duke i dhënë barazimin Arabinë Saudite. Pas disa golave të anuluar të ameriko-latinëve rezultati tani tregon 1-1