FT/ Holandë 2 - 2 Argjentinë (Weghorst 83', 90+11' / Molina 35', Messi 73') (3-4 pas penalltive)
Argjentina fiton me Holandën pas 120 minutave lojë dhe penalltive dhe kalon në gjysmëfinalet e Kupës së Botës. Pas lojës së rregullt ndeshja u mbyll 2-2, me skuadrat që në shtesën prej 30 minutash nuk gjetën më gola. Fati i duelit u vendos nga "ruleta ruse", me djemtë e Scalonit që u treguan më të saktë nga pika e bardhë e penalltive (3-4). Tanimë Argjentina gjen në gjysmëfinale Kroacinë, me ballkanasit që kaluan po pas penalltive Brazilin.
Ndeshja në "Lusail Stadium" nisi mirë për Argjentinën, me Molinën që i shënoi Holandës në minutën e 35 pas asistit të Messit. Pjea e parë u mbyll në avantazhin e Albicelestes, teksa në të dytën Messi gjeti golin e dytë në minutën e 73 nga penalltia.
Kur të gjithë prisnin fitoren e Argjentinës, Holanda u zgjua me Weghorst. Sulmuesi shënoi dopietë në minutat 83 dhe 90+11. Dramatik fundi i ndeshjes për Holandën që shënoi pas një skeme perfekte. Me kohën e rregullt që u mbyll 2-2 dhe me sherr, ndeshja shkoi në 30 minuta shtesë. Asnjë nga skuadrat nuk gjeti rrjetën teksa nga pika e penalltisë më të saktë u treguan argjentinasit.
Van Dijk dhe Berghuis gabuan te Holanda, teksa Fernandez te Argjentina. Tanimë Albiceleste luan me Kroacinë në gjysmëfinale.
Rezultatet e penalltive:
VIDEO:
90+11' Holandë 2-2 Argjentinë. Weghorst shënon dopietë për Holandën dhe e dërgon ndeshjen në shtesë. Dramatike ndeshja në aksionin e fundit. Skemë perfekte e Tulipanëve që kanë një shans në 30 minuta shtesë. E pabesueshme për Argjentinën që kryesonte 0-2 dhe më pas barazohet.
90' / Holandë 1-2 Argjentinë. Plas sherri në fundin e ndeshjes. Një ndërhyrje e ashpër e Paredes bën që situata në fushë mos jetë e qetë, me lojtarët që janë përfshirë në një grindje masive, teksa në fushë janë futur edhe stafet respektive. Paredes dhe van Dijk marrin kartona të verdhë, me kapitenin e Holandës që nuk e mbajti veten duke hedhur në fushë kundërshtarin.
83' / Holandë 1-2 Argjentinë. Në minutën e 83 të takimit, Weghorst rihap ndeshjen duke shënuar për Holandën. Asisti i Berghuis shfrytëzohet bukur nga Weghors që mposht me kokë Martinez.
73' / Holandë 0-2 Argjentinë. Lionel Messi shënon golin e dytë për Argjentinën në minutën e 73. "Pleshti" gjeti golin nga penalltia duke mos gabuar dy herë nga 11 metra në këtë Kupë Bote. 10 gola për Messin në Kupat e Botës.
35' / Holandë 0-1 Argjentinë. Nahuel Molina kalon në epërsi Argjentinën pas 35 minutave lojë. Asisti brilant i Messit bën që anësori i Albicelestes mos gabojë përballë Noppert, çka sjell golin e parë të duelit.
Lajme të tjera
-
Habit Lionel Messi: Real Madrid skuadra më e mirë në botë, te Barcelona u bëra për psikolog
7 Qershor, 15:49 -
1 milion dollarë, shitet peceta e përdorur nga Barcelona për të nënshkruar me Lionel Messin
18 Maj, 09:41 -
Shitet shamia që ndryshoi historinë e futbollit! Ky është çmimi i kontratës së Messit kur ishte 13 vjeç
9 Maj, 14:15 -
VIDEO/ I duhen 12 minuta, Lionel Messi gjen rrjetën! Inter Miami barazon 2-2
7 Prill, 10:42 -
Lionel Messi mediton tërheqjen nga futbolli, 'Pleshti' tregon kushtet
27 Mars, 15:02 -
Turneu amerikan, Lionel Messi humbet dy sfidat miqësore me Argjentinën
19 Mars, 12:31 -
GOLAT/ Messi dhe Suarez gjejnë rrjetën, Inter Miami shmang humbjen në shtesë! Sherr në fushë
8 Mars, 10:26 -
Si në kohët e vjetra, Messi dhe Suarez dhurojnë spektakël me nga dy gola
3 Mars, 08:10 -
VIDEO/ 'Gjeniale', Lionel Messi driblon me finesë lojtarin në tokë! Mjeshtëri nga sulmuesi i Inter Miamit
22 Shkurt, 12:04 -
Lionel Messi përballet për herë të parë kundër skuadrës së fëmijërisë
15 Shkurt, 22:12 -
Kinezët janë të zhgënjyer me Lionel Messin
8 Shkurt, 22:51 -
VIDEO/ Tifozët kundër Lionel Messit, Inter Miami humbet në miqësore! 'Pleshti' qeshi kur shoku humbi penalltinë
7 Shkurt, 16:36
