Pas tragjedisë së djeshme në Genova, dy zëvendëskryeministrat italianë, Luigi Di Maio dhe Matteo Salvini, kanë njoftuar se kanë ndëmend të revokojnë koncesionin e dhënë kompanisë “Autostrade per l’Italia”. Rënia e urës, pjesë e autostradës A10, nxori në pah rrezikun që paraqet në Itali infrastruktura e vjetër, që i ka kaluar 50 vjet nga koha e ndërtimit. Mediat italiane shkruanin dje se rreth 60% e rrugëve të vendit paraqesin rrezik.
Ministri i Transportit, Danilo Toninelli, kërkoi dorëheqjen e drejtuesve të koncesionarit.
Drejtuesit e Autostrade per l’Italia duhet të japin dorëheqjen të parët. Ne kemi nisur procedurat për revokimin e koncesionit dhe gjobitjen deri në 150 milionë euro.
Danilo Toninelli, ministri i Transportit
Toninelli la të hapur mundësinë e rikthimit të rrjetit rrugor nën menaxhimin e shtetit. “Nëse privati nuk është në gjendje të menaxhojë autostradat tona, do ta bëjë shteti”, tha ai.
Edhe zëvendëskryeministri Di Maio e ka mbështetur idenë e anulimit të koncesionit.
Përgjegjësi për këtë që ndodhi ka një emër: Autostrade per l’Italia. Pas vitesh të tëra që na është thënë se disa gjëra do të menaxhoheshin më mirë nga private, gjendemi para një prej kompanive më të mëdha koncesionare në Europë që na ka thënë se ajo urë ishte e sigurt. Të gjitha këto janë justifikime. Kompania duhej të bënte mirëmbajtjen e urës dhe nuk e ka bërë. Kompania grumbullon taksat më të larta në Europë dhe vetë paguan taksa shumë të ulëta në Luksemburg. Nëse nuk e bën dot punën që ka marrë përsipër, do ta bëjë vetë shteti.
Di Maio
Edhe ministri i Brendshëm, Matteo Salvini, i njohur për qëndrimet e tij të ashpra, thotë se revokimi i koncesionit është më e pakta në këtë rast.
Si zëvendëskryeministër, do t’u kërkoj me shkrim të gjitha kompanive të tjera koncesionare informacion në lidhje me pjesën e buxhetit që kanë investuar në siguri. Më kanë sinjalizuar situata të ngjashme rreziku edhe në Kalabri.
Salvini
Në Itali ka një numër të madh rrugësh që kanë segmente urash si ura Morandi, ku ndodhi tragjedia me 39 të vdekur. Mbi këto ura kalojnë çdo ditë mijëra makina dhe mjete të rënda. Një pjesë e konsiderueshme e infrastrukturës në Itali ka një moshë mbi 50-vjeçare.
Për më tepër, për ndërtimin e tyre është përdorur çimento e përforcuar, e cila me kalimin e dekadave bëhet e rrezikshme. Ngjarja e së hënës në Genova është e treta e kësaj natyre që prej vitit 2017 në Itali. Dy raste të ngjashme janë regjistruar në autostradën A14 në Ancona dhe në afërsi të Cuneo-s e në Lecco.
Arkitektët thonë se një numër i madh urash të ngjashme e kanë kaluar afatin e jetëgjatësisë së projektuar. “Në rrezik është 60% e urave. Kjo është një shifër e frikshme”, ka thënë Antonio Occhiuzzi, anëtar i Këshillit Kombëtar të Arkitektëve.
Pas kërkesës së dy zëvendëskryeministrave italianë, Luigi Di Maio dhe Matteo Salvini mbi tërheqjen e koncesionit të dhënë kompanisë ‘Autostrade per l’Italia’ pas tragjedisë së Genovas, një reagim ka ardhur edhe nga kompania.
Në një njoftim zyrtar, shkruhej se ata mund ta vërtetonin se gjithmonë i kanë përmbushur detyrimet e tyre për mirëmbajtjen e rrugës.
Faktet që ne kemi bazohen në aktivitetet e monitorimit dhe mirëmbajtjes të kryera në bazë të standardeve ndërkombëtare.
‘Autostrade per l’Italia’
Në fund ‘Autostrade per l'Italia’ ka deklarauar se po punon për të përcaktuar projektin për rindërtimit të urës, një projekt i cili sipas tyre mund të mbyllet për vetëm pesë muaj.
Lajme të tjera
-
Anija me emigrantë, Matteo Salvini 'i shpëton burgut'! Bien akuzat ndaj tij
21 Dhjetor, 17:59 -
‘U kap me 11 kg kokainë, Gjyqtari e liroi!’/ Shqiptari fut në ‘sherr’ politikën italiane, Salvini sulmon Drejtësinë, por e vërteta qëndron ndryshe
15 Nëntor, 16:21 -
Matteo Salvini: Nëse Trump ndal luftën në Ukrainë meriton Nobel për Paqen
9 Nëntor, 19:30 -
Të djathtët evropianë mbështesin Salvinin para vendimit gjyqësor për emigrantët
6 Tetor, 17:10 -
Papa Françesku: Shtetet e BE-së duhet të ndajnë përgjegjësinë për emigrantët
7 Nëntor 2022, 21:25 -
'Kontrabandë’ me Di Maion për Pfizer? Rama ‘detyrohet’ të përgënjështrojë: Ishte shaka për të treguar një bashkëpunim vëllazëror, Zoti na ruajt
10 Tetor 2022, 12:26 -
Rama zbulon ‘kontrabandën’ me Di Maion për sigurimin e vaksinave Pfizer: I morëm fshehurazi nga Italia, pavarësisht ndalimeve të kompanisë
9 Tetor 2022, 16:55 -
Vetë italianët nuk janë të habitur
26 Shtator 2022, 19:56
-
Di Maio pret Veliajn dhe Bakojanis në Itali, vlerëson Tiranën dhe Athinën për menaxhimin e qytetit gjatë krizës së COVID-19
14 Korrik 2022, 12:58 -
Takimi i ministres së Jashtme me Varhelyi: Ramë dakord që konferenca e parë ndërqeveritare duhet të merret në qershor
16 Maj 2022, 12:35 -
Ministrja e Jashtme takon homologun italian: Jemi në pritje të mbledhjes së grupit për njohjen reciproke të sigurimeve shoqërore
16 Maj 2022, 11:06 -
Mblidhet NATO në Berlin! Di Maio: Kemi nevojë për BE-në për paqen! Xhaçka takon Kulebën: Ballkani Perëndimor edhe Ukraina meritojnë një të ardhme europiane
14 Maj 2022, 09:42
