Një sismolog tha se katedralja është e ekspozuar më shumë ndaj zhurmave të larta, që shkakton lëvizja e trenave , sesa ndaj një kërcënimi për sigurinë e ndërtesës. Kështu përfaqësuesit e katedrales kanë arritur një marrëveshje me zyrtarët e transportit publik që këta të fundit të reduktojnë shpejtësinë e trenave që kalojnë në afërsi të katedrales deri në 20 km në orë.
Katedralja e njohur ndryshe si katedralja e Shën Pjetrit buzë lumit Rin, është e treta me e lartë në botë me një lartësi prej 157 metrash dhe të mahnit me stilin e saj gotik. Ndërtimi i saj ka filluar në vitin 1248 dhe ka përfunduar për më shume se 600 vjet pikerisht në 1880.
Gjatë Luftës së Dytë Botërore, u dëmtua nga sulmet e aleatëve por u rindërtua duke mbetur një nga objektet historike më të vizituara në Gjermani dhe është vlerësuar si pasuri e trashëgimisë kulturore dhe mbrohet nga Unesco. Kjo vepër mjeshtërore e kulturës së ndërtimit të kishave në Evropë vizitohet cdo vit nga miliona turistë nga e gjithë bota.
(ad.ti/l.ç/shqiptarja.com)
![](https://www.shqiptarja.com/template/img/sh_logo1.png)