Të ardhurat rriten 4 për qind në periudhën janar-prill 2019, në krahasim me të njejtën periudhë të një viti më parë, ndërkohë që shpenzimet janë rritur 3.4 për qind. Kjo është në vija të përgjithshme situata e realizimit të zërave të buxhetit të shtetit për katërmujorin e parë të vitit. Si rezultat, edhe suficiti është ruajtur, madje është rritur 30 për qind në krahasim me katërmujorin e vitit të kaluar.
Sa u përket të ardhurave, ato kanë arritur shifrën e 148.9 miliardë lekëve, nga 143.2 miliardë lekë një vit më parë, por vijon të bjerë në sy shifra negative e Tatimit mbi Vlerën e Shtuar, që vazhdimisht ka sjellë më pak të ardhura se vjet në arkën e shtetit, muaj pas muaji. Si 4-mujor, TVSH-ja arkëton 43.5 miliardë lekë, por një vit më parë shifra ishte 44.5 për qind, me një ulje në masën 2.2 për qind. Ndërkohë, vijon tendencën pozitive të muajve të fundit tatimi mbi fitimin, që ka sjellë 15.3 miliardë lekë, kurse vjet si katërmujor u arkëtuan 13.1 miliardë lekë. Rritja është në masën 16.8 për qind. Kjo është pasuar nga tatimi mbi të ardhurat personale, që shënon rritje në masë pak më të vogël, 11.4 për qind.
Pas kaq kohësh me rritje të ndjeshme, për herë të parë të ardhurat nga kontributet e sigurimeve shoqërore shënojnë një ulje në masën 1.4 për qind në shkallë vjetore, duke kaluar nga 28.2 miliardë lekë vjet, në 26.8 miliardë lekë këtë vit. Kurse për sigurimet shëndetësore janë siguruar 7.2% më shumë të ardhura.
Në vijim të një kthese që po shënohet sivjet që nga muaji i parë, pushteti vendor “shkëlqen” në mbledhjen e të ardhurave të veta. Bashkitë kanë siguruar 37.2 për qind më shumë fonde nga një vit më parë në fund të muajit prill 2019, bazuar kryesisht në taksat lokale, me rritje 39.2 për qind dhe ato mbi pasuritë, që sollën 35.3 për qind më shumë të ardhura. Por nga biznesi i vogël, taksat mbi të cilin i mbledh pushteti vendor, nuk ka patur asnjë ndryshim nga një vit më parë.
Shpenzimet në total kanë arritur në 144.6 miliardë lekë, nga 139.9 miliardë që ishin një vit më parë. Por të bie në sy rritja sistematike e barrës së detyrimeve mbi borxhit. Në katër muaj, janë paguar 12 miliardë lekë nga arka e shtetit vetëm për interesat e borxheve të marra, shifër që është gati e barabartë me të ardhurat nga tatimi mbi pagat e punonjësve dhe të ardhurave të tjera personale.
Një moment tjetër që bie gjithashtu në sy është rritja e shpenzimeve për qëllime sociale, konkretisht për ndihmë ekonomike dhe pagesë papunësie. Janë paguar 7 miliardë lekë në adresë të familjeve në nevojë, nga 6.1 miliardë që ishte kjo shifër një vit më parë. Si dhe 200 milionë lekë për pagesë papunësie, që është shifër mjaft e vogël, por një vit më parë ajo ishte 100 milionë lekë, pra rritja është këtë radhë dy herë.
Shpenzimet për kompensimin e ish-pronarëve dhe pronarëve, pronat e të cilëve janë zënë nga ndërtime pa leje në legalizim, kanë shënuar një rritje në masën tri herë, kurse në adresë të ish-të përndjekurve politikë nga regjimi komunist rritja ka qenë po aq, duke kaluar në 400 milionë lekë, nga 200 milionë në periudhën janar-prill 2018.
Sa u përket investimeve publike, ato shënojnë një rënie të ndjeshme, duke kaluar në 14.7 miliardë lekë, nga 18.3 miliardë një vit më parë, me ulje në masën 19.7 për qind. Kjo mund të gjejë shpjegim në shtimin e përdorimit të investimeve me financim nga private, të formës koncesione me partneritet publik- privat.
Ndihma sociale
Janë paguar 7 miliardë lekë në adresë të familjeve në nevojë, nga 6.1 miliardë një vit më parë. Si dhe 200 milionë lekë për pagesë papunësie. Një vit më parë ajo ishte 100 milionë lekë. Rritja është 2 herë
Vijon të bjerë në sy shifra negative e Tatimit mbi Vlerën e Shtuar. Si 4-mujor, TVSH-ja arkëton 43.5 miliardë lekë, por një vit më parë shifra ishte 44.5 për qind, me një ulje në masën 2.2 për qind.
Lajme të tjera
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Paketa fiskale për vitin 2025, bizneset propozojnë lehtësira fiskale dhe doganore! Nga ulja e TVSH-së për ushqimin, tek taksa e infrastrukturës në ndërtim
11 Nëntor, 16:25 -
Lumë propozimesh për rishikime taksash, nga TVSH-ja në bujqësi, sigurimi i banesave tek rritja e pagës minimale vetëm për të rinjtë
5 Nëntor, 17:45
-
Qeveria me strategji të re/ S’ka më përjashtime nga taksat, mbështetja e bizneseve apo individëve do të bëhet me kompensime e financiare
6 Tetor, 17:58
-
Politikat tatimore do të rishikohen deri në 2027-ën! Rikthehen taksat për biznesin e vogël, rishikohet TVSH-ja 6% në turizëm
20 Shtator, 18:49
-
Ministria e Financave: Rriten me 30,3 miliardë lekë të ardhurat në 7 muaj! Përveç fitimeve të bizneseve, tatimet e tjera janë në rritje
19 Gusht, 18:51
-
Kompania ‘Bankers Petroleum’ investon 96 mijë Dollarë për infrastrukturën rrugore në Sheqishtë të Patosit
24 Korrik, 16:20 -
Reduktohet më tej koha e rimbursimit të TVSH-së, stoku i prapambetur rezulton 0 në fund të 6-mujorit 2024
18 Korrik, 18:12 -
Shitje fiktive për 2 milionë euro, në hetim ish punonjësi i QKB e 6 të tjerë! Krijuan skemën e mashtrimit: 15 të huaj u bënë me biznes pa hyrë kurrë në Shqipëri (Emrat)
10 Maj, 11:58 -
Lëshonin fatura fiktive, në kërkim dy persona! Prokuroria e Tiranës: I shkaktuan dëm shtetit 1 mln euro (EMRAT)
25 Prill, 12:56 -
Mokra e Pogradecit pa rrugë, ujë as dritat, fshati pa investime! Banorët: Jemi të izoluar
12 Shkurt, 16:56
-
Konsumi e investimet do rrisin ekonominë me 3.7% këtë vit! Turizmi e ndërtimi ndikim kryesor! Do merren dy eurobonde 1.2 mld euro deri në 2026
19 Janar, 16:12
