Kavajë, kapen me 100 kg drogë
arrestohen 3 persona, 1 në kërkim

Kavajë, kapen me 100 kg drogë <br />arrestohen 3 persona, 1 në kërkim
KAVAJE - 100 kg lëndë narkotike cannabis sativa është sekuestruar në segmentin rrugor Tiranë – Rrogozhinë, ndërkohë që janë arrestuar 3 shtetas dhe një tjetër është shpallur në kërkim.

Të arrestuar janë 34-vjeçari Leonard Vasil Rraci, i dënuar më parë për prodhim dhe shitje të lëndëve narkotike, Ervin Sofokli Xhavara, 28 vjeç, Agim Hiqmet Hodo, 28 vjeç, të tre banues në Përmet.

3 personat u kapën në flagrancë gjatë trasportimit të 100 kg lëndë narkotike, e cila ishte e paketuar dhe e fshehur në automjetet tip Hyundai me targa greke si dhe në një Benz AA 552 DV.

Sekuestrimi i lëndës narkotike është kryer mbrëmë nga Sektori Kundër Krimit të Organizuar në Komisariatin e Policisë Kavajë, ku gjatë kontrollit të ushtruar,në bagazhin e automjeteve janë kontatuar thasë me ngjyre te bardhë, ku u gjend lënda narkotike.

Në njoftim zyrta të Policisë së Tiranës theksohet se ky operacion vazhdon dhe po punohet për të identifikuar të tjerë persona të përfshirë në këtë rrjet trafiku dhe shpërndarje të lëndëve narkotike.

Ndërkohë ndaj 3 shtetasve u mor masa e arrestit në flagrancë dhe po procedohen më tej për veprën penale “Prodhim, shitje të lëndëve narkotike”, në bashkëpunim.

(eç/shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shembja e urës në Baltimora, gjenden dy trupa të pajetë

Shembja e urës në Baltimora, gjenden dy trupa të pajetë