E ndërsa temperaturat e verës rriten, bashkë me to, është rritur edhe “oreksi” i pashpjegueshëm i kryetarit të Partisë Demokratike, për tu bërë (ndoshta një ditë) kryeministër. Pothuajse çdo ditë zoti Basha (ka harruar se është kryetar partie) po flet, po sillet, po premton, dhe po drejton nga SHQUP-i shpurën e tij, sikur të ishte “kryeministër”.
Nuk dihet akoma, në është iniciativa e tij, apo një “udhëzim” nga Doktori, që Lulzim Basha të lërë mënjanë gjithçka që ka rrëmujë në parti, dhe të sillet si “kryeministër”. Pa e ditur edhe vetë, se ka zgjedhur rrugën e gabuar, ai ka vendosur të gjezdisë cep më cep Shqipërisë, të ndalet pa e ftuar, atje ku gjen një parcelë me domate, një fermë agrumesh, apo diku një biznes, për t’ju shpjeguar atyre “taksën 9 per qind, rritjen e rrogës dhe pensionit, dhe luftën ndaj korrupsionit”.
I ftuar së fundi në një emision televiziv, ai ka premtuar se “mjerë ata që kanë punuar me këtë qeveri, mjerë ata që kanë fituar para me këtë qeveri, sepse do të përgjigjen para ligjit”. Madje ai ka aluduar (si kryeministër) kur u pyet për situatën COVID-19, se “po të isha unë në vend të Ramës kryeministër, do të bëja tamponizimin e gjithë popullatës”. Gallatë e madhe, jo shaka. Ke zgjedhur rrugën dhe shtegun e gabuar zoti Basha për të bërë kryeministër. E di, që e ke “ëndërr të kahershme” të ulesh qoftë edhe 1 herë të vetme në zyrën e kryetarit të qeverisë (sepse nuk të mbush më zyra e kryetarit të PD) por ja që, të ulesh atje ku është ulur Edi Rama, duhet shumë, shumë punë.
Duhet ti bindësh njerësit e tu fillimisht, dhe shqiptarët mbarë, se ke programin më të mirë, se ke ide rracionale dhe ambicioze, se ke shtab të ngritur me profesionistë, se ke bërë catharsis në PD, se ke afruar të gjithë të rrahurit dhe të flakurit nga partia, se ke pranuar se zgjedhjet në atë parti, nuk janë bërë ndonjëherë të lira,të ndershme, se ke vendosur të largosh nga partia milionerët dhe të akuzuarit, se ke vendosur të drejtosh si demokrat dhe jo si marksist, se ke vendosur të largohesh nga e shkuara e damkosur, etj.
Nuk mund të besojnë shqiptarët premtimet tënde, apo dhe përbetimin tënd se “do të qeveris duke zbatuar ligjin”, kur dihet se përsa kohë ishe ti në qeverisje, dhe Partia Demokratike, ligji u shkel me dy këmbët, ligji u abuzua dhe ndryshua sipas interesit tuaj.
Nuk mund të besojnë më shqiptarët premtimet tënde për “taksa të ulëta, dhe zero tolerancë ndaj korrupsionit”, kur e dinë si merrej leja e ndërtimit në kohën tuaj, si merrej liçenca në kohën tuaj, si dhe sa paguheshin nën dorë “trimat” e partisë të veshur me uniforma, si dhe sa jepej për të marrë tenderin, si dhe sa jepej për të fituar një vend pune, etj, etj.
Të kërkosh të bëhesh kryeministër, kur je provuar ministër, kryetar bashkie, apo dhe kryetar partie, do të thotë të “guxosh” shumë, dhe të mos kesh gjetur rrugën e duhur, por thjesht bën lojëra fjalësh. Aq më mirë për ty zoti Basha. Gjithsesi një fjalë e urtë thotë “kur nis dhe ëndërron, ke hedhur hapin e parë”. Ndoshta kaq mjafton për ju zoti Basha, hapin e dytë apo të tretin, ke kohë ta hedhësh deri nga 2030……..
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11
