Këlliçi nga selia blu: Deputetët demokratë të ulen me njeri-tjetrin, duhet të ecim përpara

Deputeti Belind Këlliçi tha për mediat nga selia blu se deputetët e Partisë Demokratike pas krizës më të madhe të përjetuar ndonjëherë, duhet të ulen me njeri-tjetrin në mënyrë që ecet përpara.

Ai kujtoi propozimin e bërë nga deputetja Ina Zhupa e cila kërkoi një mbledhje bashkimi të 52 deputetëve të zgjedhur nga shqiptarët, për t’i dhënë një zgjidhje situatës aktuale në vendin tonë.

Sipas Këlliçit me vendimin e gjykatës “lufta” brenda PD është ezauruar.

“Organi i vetëm legjitim i PD është grupi parlamentar, do të ketë një tentative për t’u ulur të gjithë deputetët. Kam parë Ina Zhupën e cila kërkonte të uleshim të gjitha bashkë për të diskutuar. Më duket një propozim interesant. Deputetët e PD duhet të ulen me njeri-tjetrin që të ecim përpara. Unë e konsideroj të ezauruar çështjen e luftës së brendshme në PD.”, tha ai.

Pas vendimit të gjykatës për të regjistruar statutin e Berishës, Komisioni i Rithemelimit i drejtuar nga Sali Berisha mori selinë blu, ndërsa i hoqi fortifikimet që i ishin bërë godinës, nga dyert e blinduara në adezivë. Pas marrjes sërish së PD, Berisha ka bërë thirrje për bashkim të demokratëve, por ato duken ende më të përçarë se kurrë.

J.GJ./Shqiptarja.com

TAG:
• Lufta brenda PD
• PD
• belind këlliçi