POP 5

Lajmet më të lexuara të 5 minutave të fundit

Kultura

Lajme nga emisionet

Këngëtari Fatmir Lela rrëfehet në ‘Esencë’: Mes gjithë sukseseve të jetës, ja kush është ‘pengu’ më i madh

Muzika është padyshim gjuha e përbashkët e njerëzimit. Tingulli nuk ka nevojë të përkthehet thjesht të shijohet e trashëgohet. Këtë të fundit ka bërë edhe familja Lela, të rrallët mes artistëve që tingullin e kanë të përveçëm.

Muzika është padyshim gjuha e përbashkët e njerëzimit. Tingulli nuk ka nevojë të përkthehet thjesht të shijohet e trashëgohet. Këtë të fundit ka bërë edhe familja Lela, të rrallët mes artistëve që tingullin e kanë të përveçëm. Jo më kot gjerësisht ata njihen si “Dinastia Lela”, për kontributin dhe trashëgiminë me  muzikën e cila i ka kaluar kufijtë.

Për rrugëtimin, historinë dhe traditat e ruajtura me fanatizëm erdhi në “Esencë ” Fatmir Lela njëri prej pjesëtarëve të grupit dhe familjes. Ai solli kujtimet e familjes që ka shkruar historinë e saj në traditën e muzikës shqiptare.

Me pasionin e jashtëzakonshëm mbartur dhe trashëguar nga i ati Mane Lela, Fatmiri dhe vëllezërit Myslymi, Ahmeti, Bilali, Çobani dhe  Çeçoja.

Fatmiri erdhi në program bashkë me mbesën, Blertën si një dëshmi e trashëgimisë që ruhet në familje brez pas brezi. Bashkë luajtën në studio disa pjesë në instrument.

Fatmiri rrëfen fillimet me grupin dhe turneun e tyre dy vjeçar jashtë Shqipërisë, regjistrimin e një albumin në Paris dhe plot 42 albume të realizuara nga i vëllai Çobani si një trashëgimi 25-vjeçare.

Një lidhje e fortë me muzikën dhe talentet që vijnë prej saj në familje ndërsa ai kujton mes fotosh edhe koncerte me mbesën e tij ,ambasadoren e kulturës tonë në botë, artisten e xhazit Eda Zari.

Gjithçka çfarë Fatmiri dëshiron është që trashëgimia muzikore e familjes Lela të mbetet e gjallë mes brezash. Ndërsa ai vetë është ende aktiv duke kompozuar muzikë, siç ka bërë në 25 vitet e fundit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19