Siç paralajmërohej edhe në ftesën e eventit, Geraldina Sposa ka ndërtuar në eventin e përvitshëm një botë të madhe të madhe çudirash, plot elegancë, fashion, shkëlqim. Frymëzuar nga libri i famshëm i Lewis Carol, sfilata më e famshme e veshjeve të nusërisë i ka pritur të ftuarit në një ambient magjepsës dhe të gjithë i janë gëzuar festës së një bote mrekullish, ndërtuar si një skenë gjigande filmi, në mes të qytetit. Në të gjashtëmbëdhjetën sfilatë, salloni i parë i veshjeve të nusërisë në Shqipëri që ka 24 vite eksperiencë, ka mbledhur plot një mijë të ftuar në një fashion show dhe event që është ndjekur prej mijëra të tjerëve live në rrjetet sociale.
Përtej pritjes, gjithë vëmendja i është kushtuar sfilatës, pasarelës më të gjatë të ndërtuar ndonjëherë në Tiranë, 125 metër të gjatë dhe modeleve të veshjeve të propozuara në të. E ndarë në tri shtylla kryesore, pasarela ka sjellë përpara të pranishmëve linjat kryesore të veshjeve që gjenden në sallon: në parakalimin e parë janë shfaqur rreth 20 fustane mbresëlënëse, duke nisur me ato me volum, të shumë lakmuara nga nuset shqiptare, për të vijuar me linjat më elegante dhe moderne, të gjitha të markës “Geraldina Sposa”. Lançuar katër vite më parë, i pari prodhim i tillë shqiptar, ka marrë vlerësimin maksimal nga shumica e klienteve të sallonit, pasi jo më kot është frymëzuar nga kërkesat e tyre dhe është realizuar duke pasur në mend vetëm këto nuse. Në këtë pjesë të parë të sfilatës, kanë parakaluar modele profesioniste dhe vajza të njohura të ekranit. Adrola Dushi, modelja më e suksesshme shqiptare sot në botë ka ardhur enkas nga Amerika për këtë sfilatë, me shumë dëshirë si gjithmonë për t’u rikthyer në pasarelën, ku ka sfiluar për herë të parë dhe ku nisi të merrte famë. Ashtu si ajo për këtë event kanë ardhur edhe Cindy Marina, po nga SHBA, Amela Kalari, pjesëmarrëse në Miss Universe ka udhëtuar Anglia, ndërsa Arentina Shakulli nga Gjermania. Atyre u janë bashkuar dhe modelet dhe vajzat e njohura, Venera Lumani, Andresa Ambrosio, Viola Spiro, Kledia Haxhaja, Kristi Çavo, Vangji Telo, Dojna Mema, Sara Kolami, etj. Parakalimi i dytë, ai me veshje nusërie nga firmat më prestigjioze të botës, ekskluzivitete të “Geraldina Sposa”-s, është bërë nga nuse reale. Nën ritmet e një kënge të titulluar “Nuse Geraldine”, kompozuar për këtë event dhe pastaj me një muzikë që gërshetonte ritmet e këngëve të njohura të dasmave shqiptare, kliente të sallonit, të martuara së fundmi, kanë parakaluar në pasarelë, duke ndjerë edhe njëherë drithërimat e fustanit të bardhë dhe duke dhuruar për të pranishmit emocione të vërteta. Ka nisur ky parakalim me një nuse të njohur, Vilma Mashën martuar vitin e shkuar, për të vijuar me të tjera vajza, njëra prej të cilave në pritje të ëmbël, për t’u mbyllur me Jona Spahiun, që ka festuar në ketë pasarelë një-vjetorin e martesës si “nuse Geraldine”. Ndërsa pjesa e tretë e sfilatës, për të parën herë ka sjellë gjithë fustanet “unconventional”, për të gjitha ato vajza që nuk kënaqen me veshjet që kanë të gjithë, por kërkojnë modele më të veçanta. Veshjet e kësaj pjese të tretë të pasarelës janë kompletuar me fustane të shoqërueseve të nuses dhe me këpucët e markës “Marcela Lati Wedding Shoes”, prodhimi i parë shqiptar i këpucëve të këtij lloji, më të mirat e mundshme për të kompletuar veshjen e ditës së dasmës apo të eventeve të rëndësishme.
Sfilata nuk ka zhgënjyer pritshmërinë e askujt. As të atyre që presin surprizën në fund. Kësaj radhe ka qenë më romantike se kurrë, kur për ta mbyllur ishte jo një personazh i njohur, as nuse VIP, as nuse e thjeshtë, por një skenë e vërtetë filmi, e ngjashme me fabulën “Dashuria në kohërat e kolerës”. Një çift i moshës së tretë, dashuruar në Tiranën e viteve ‘50 të ndarë prej një jete nga njëri tjetri dhe të rigjetur tashmë të dy të ve, kanë mundur të bëjnë realitet ëndrrën për t’u bërë nuse dhe dhëndër në këtë pasarelë, në një moment të prezantuar gjithë emocion nga as më shumë e as më pak, por nga vetë Ardit Gjebrea. Një përrallë e bukur, që pasi ka mallëngjyer gjithë të pranishmit, do të mund të shijohet nga të gjithë tek “E diela Shqiptare”.
Siç ishte thënë në fillim, me elementët e ftesës së eventit që e paralajmëruan, kjo do ishte një botë e vërtetë çudish. Dhe për ta bërë të mundur nuk mjafton të ndërtosh një dekor sipas temës së zgjedhur, por është gjithë shpirti i Geraldina Sposa që të e bën të prekshme dhe të bën gjithmonë të ëndërrosh.
Lajme të tjera
-
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
Biden: Po armëpushimit nga Izraeli në Liban
26 Nëntor, 22:02 -
Protesta e PD, rritet numri, 44 protestues të shoqëruar në polici
26 Nëntor, 21:46 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Pak orë pasi Netanyahu pranoi armëpushimin, Izraeli sulmohet me 3 raketa të lëshuara nga Libani
26 Nëntor, 21:37 -
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Hezbollah: Ende duhet të shqyrtojmë marrëveshjen e armëpushimit para se qeveria e Libanit ta nënshkruajë
26 Nëntor, 21:16 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
DOSJA/ 446 kilogramë kokainë nga Amerika Latine në Holandë u kapën, bisedat e Suel Çelës dhe biznesmeni Shega: Na vodhën, të vrasim, duhet shembull
26 Nëntor, 20:55
-
CNN: Zyrtarizohet Po-ja e Izraelit për armëpushimin në Liban, e miraton kabineti i sigurisë, 60 ditë ndërprerje e luftës
26 Nëntor, 20:48 -
Flini me gojë hapur? Pesë arsyet pse ndodh
26 Nëntor, 20:45 -
Champions League/ Milan fiton me vështirësi në Bratislavë, Atl. Madrid shkërmoq Spartën e shqiptarëve! Në 21:00 luhen shtatë duele
26 Nëntor, 20:43
