POP 5

Lajmet më të lexuara të 5 minutave të fundit

Kronikë

Kent: Sfidë madhore e sistemit të
drejtësisë, ndarja nga politizimi

Politika duhet të jetë e ndarë nga sistemi i drejtësisë, në mënyrë që të ketë efikasitet realizimi i reformave në këtë sektor. Këtë e ka shprehur George P. Kent, Koordinatori për Antikorrupsionin në Byronë e Çështjeve të Europës, pjesë e Departamentit Amerikan të Shtetit, gjatë takimit të zhvilluar sot me ministrin e Drejtësisë Nasip Naço.
TIRANE- Politika duhet të jetë e ndarë nga sistemi i drejtësisë, në mënyrë që të ketë efikasitet realizimi i reformave në këtë sektor. Këtë e ka shprehur George P. Kent, Koordinatori për Antikorrupsionin në Byronë e Çështjeve të Europës, pjesë e Departamentit Amerikan të Shtetit, gjatë takimit të zhvilluar sot me ministrin e Drejtësisë Nasip Naço. Sipas Kent, ndarja e sistemit të drejtësisë nga politizimi është një sfidë madhore, ndërsa theksoi rëndësinë e realizimit të reformës në drejtësi.
 
“Jemi në mbështetjen tuaj përgjatë rrugës drejt Europës. Procesi për integrimin e Shqipërisë në strukturat evropiane lidhet ngushtësisht me ecurinë e reformave në drejtësi. Sytë e publikut janë drejtuar nga ju, ndaj dhe duhet të tregoni një vullnet të fortë politik, por ndërkohë, sfida madhore e një sistemi drejtësie është ndarja e saj nga politizimi”, u shpreh Kent.

Koordinatori për Antikorrupsionin në Byronë e Çështjeve të Europës, e ka përshëndetur organizimin e tryezës gjithëpërfshirëse mbi drejtësinë, ndërsa e informoi Ministrin Naço se gjatë takimeve të zhvilluara, ka hasur në një interes të madh të shoqërisë civile për t’u përfshirë në proceset reformuese.

Sipas ministrit Naço, përfshirja e publikut në luftën kundër korrupsionit, është një hap i rëndësishëm për denoncimin e rasteve korruptive dhe në realizimin e reformës në drejtësi. Naço tha se denoncimi i rasteve korruptive përmes portalit online, ka dhënë edhe rezultatet e para.
 
“Për herë të parë në këto 20 vite sillen përpara drejtësisë gjyqtarë të akuzuar për veprën penale të korrupsionit, dhe kjo është një dëshmi që sistemi po nis të reflektojë për nevojën e shembjes së murit të pandëshkueshmërisë”, theksoi ministri Naço.
 
Gjatë takimit, ministri Naço njohu z.Kent me ecurinë e detitanishme të reformës në drejtësi, duke u ndalur tek masat e marra deri më tani në luftën kundër korrupsionit.
 
“Unë erdha në krye të Ministrisë së Drejtësisë në një kohë që kishte vetëm slogane lidhur me luftën kundër korrupsionit, dhe kur Shqipëria renditej ndër vendet e fundit në raportet që tregonin mbi nivelin e korrupsionit në vend. Në këto raporte Shqipëria renditej në vendin e 116 përkrah vendesh si Nepali, Vietnami dhe Afganistani. Për mua kjo ishte një situatë e papranueshme”, u shpreh Ministri Naço.
 
Duke vlerësuar asistencën e deritanishme të misionit OPDAT në vendin tonë, ministri i Drejtësisë theksoi vendosmërinë e tij për një reformë, që do të jetë e nevojshme të konsultohet në çdo rast me partnerët ndërkombëtarë.
 
Ndërkaq, ministri Naço theksoi se nevojën për gjithëpërfshirje të aktorëve të sistemit.
 
“Konferenca e cila pritet të zhvillohet në javën e parë të Tetorit, do të mbledhë së bashku aktorë vendimmarrës, spektrin politik, shoqërinë civile, etj, për të pasqyruar idetë dhe projektet, që mund t’i shërbejnë më mirë reformimit të sistemit”, tha Naço.
 
Nga ana e tij, Kent garantoi se mbështetja e Departamentit të Shtetit do të vijojë të ketë në vëmendje sistemin e drejtësisë, duke synuar luftën kundër korrupsionit dhe rritjen e transparencës.
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50