Arbitri i futbollit, Juxhin Xhaja dhe familja e tij u kërcënuan me jetë para ndeshjes Kastrioti - Bylis, me duelin që u shty nga FSHF. Organi i futbollit në vend shkoi edhe më shumë duke thënë se ishin përfaqësues të krutanëve që ishin pas kësaj ngjarje, teksa për këto presione edhe një javë më parë një gol i Laçit kundër Kastriotit u anullua.
Në Report TV, për emisionin "Sot Live në Shqipëri" me gazetarët Andi Kapxhiu dhe Nertil Agalliu, ish-Sekretari i Përgjithshëm i FSHF-së, Eduard Prodani e ka quajtur situatën alarmante dhe një futboll që sipas tij "ka vdekur", duke u ditur rezultatet.
"Goli i anulluar i Laçit dhe kërcënimi ndaj arbitrave. Sa e rëndë është? E paprecedentë për një futboll normal dhe në një vend evropian. "Ky pazar këtë fund do kishte", thotë populli. Arbitrat janë viktima nga të dyja krahët, duhen mbrojtur. Një drejtues klubi nuk arrin të bëjë këtë nëse nuk ka dikë nga pas. Kampionati është "i guiduar", më shumë se 30 përqind të ndeshjeve dihen. Është situatë e provokuar. Arbitrat janë provokuar në vazhdimësi. Kemi situata kur klubet shpërthejnë sepse e dinë rezultatin. Kjo situatë ka 10-15 vite, kemi pasur kërcënime me armë dhe plumba. Nëse nuk merren masa, edhe në 2033 kështu do ndodhë. Drejtuesit e futbolli nuk shfaqësohen dot tani. Dini gjë çfarë kanë bërë? Është përkeqësuar situata. Nuk ka ligë, kanë bërë diçka skandaloze. Nuk kanë klubet pse ia bëjnë këtë njëri-tjetrit. Futbolli shqiptar është një lloj tragjedie", tha Prodani fillimisht.
Më pas ish-Sekretari i Përgjithshëm i FSHF-së solli edhe një shembull nga "Roma Camp", zhvilluar së fundmi në Tiranë.
"Dje përfundoi "Roma Camp", u promovua dhe mbështet nga bashkia Tiranë. Në sy trajnerëve italianë iu ra në sy se kishte fëmijë të vegjël dhe futbollistë të stresuar. Pse të jetë futbolli tragjedi dhe sherr?", pyeti Prodani.
Më pas Prodani u pyet edhe për golin e anulluar të Laçit, me organet e drejtësisë që duhet të bëjnë punën e tyre.
"Ngjarja është e rëndë në futboll, kjo i heq cipën një situate shumë të rëndë. Nuk e themi se kemi qenë kritikë me kreun e FSHF-së. Manipulimet dhe anullimi i golit të Laçit? Është rast fatkeq që i takon organeve të drejtësisë, është manipuluar një ndeshje. Unë them se ka një manipulim më të madh, dihet se kush do shpallet kampion dhe kush do jetë në Europë. Edhe sikur mos jetë e vërtetë, ky është perceptim i përgjithshëm. Askush nuk sheh një ndeshje të trukuar. Nuk kam fakte ta them se është i trukuar, ky është perceptimi i një futbolli të vdekur", vijoi më pas ish-zyrtari i FSHF-së.
Prodani e vendosi theksin edhe te mënyra e menaxhimit të futbolli vitet e fundit, çka sipas tij lë për të dëshiruar.
"Mënyra sesi është menaxhuar në vite futbolli ka sjellë këto situata. Nuk ka politika të zhvilimit në futbollin kombëtar. Merren vendime të dyshimta sipas interesave të krerëve të FSHF-së. Dhuna ndaj arbitrave dhe kërcënimet me jetë? Pyesni Lorenc Jeminin (ish-arbitër) a është kërcënuar me jetë, incidentin në Laç mos e harroni. Jeminin e kanë kërcënuar me plumb. Nuk janë bërë shembull dhe tani shihen si diçka e natyrshme", tha Eduard Prodani.
Lajme të tjera
-
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Iliri, 'Daja' i Superligës! Dinamo në krye pas 15 vitesh
16 Dhjetor, 19:05 -
Mbyllet gjysma e sezonit/ Skënderbeu lë 2 pikë me Bylisin, Gjoka: Keqardhje e madhe! Pas 175 javësh çdo ndeshje me 3 gola
16 Dhjetor, 12:26
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08 -
Në Shkodër 'fiken dritat', Vllaznia - Laçi fillon me vonesë! Tifozët braktisin Superligën
14 Dhjetor, 16:11
