Me gërshërë në dorë kërcënoi se do dëmtonte veten me bombol, policia: I riu në Vlorë me probleme mendore, sillte shqetësime! Pasi u kap, u shoqërua në spitalin psikiatrik

28 vjeçari Arsen Goga në Vlorë u mbyll sot në një lokal dhe kërcënonte vetësakrifikim. Policia ka dhënë detaje mbi ngjarjen duke thënë se 28-vjeçari vuante nga probleme të shëndetit mendor dhe sillte probleme për banorët.

Pas ankesave të banorëve policia ka shkuar që ta arrestojë por i riu ishte izoluar i vetëm, në një lokal, duke mbajtuar në dorë një palë gërshërë dhe më pas ka marrë një bombul gazi.

28-vjeçari dhe pas negociatave me shërbimet e Policisë Vlorë, nuk pranoi të dilte dhe ka kërcënuar  se do të përdorte bombulën e gazit për të dëmtuar veten. Por në fund policia e ka kapur dhe më pas e ka shoqëruar në spitalin psikiatrik.

Njoftimi i policisë:

Më datë 28.12.2020, rreth orës 12:50, shërbimet e Policisë Vlorë, pasi kanë marrë njoftimin se në lagjen “Lef Sallata”, Vlorë, një person i sëmure nga shëndeti mendor po sillte shqetësime për banorët, menjëherë kanë shkuar në vendngjarje dhe kanë konstatuar se ky shtetas ishte izoluar i vetëm, në një lokal, duke mbajtuar në dorë një palë gërshërë dhe më pas ka marrë një bombul gazi.

28-vjeçari dhe pas negociatave me shërbimet e Policisë Vlorë, nuk pranoi të dilte dhe ka kërcënuar  se do të përdorte bombulën e gazit për të dëmtuar veten.

Në ndihmë të shërbimeve është afruar grupi i FNSH-ës të cilët falë ndërhyrjes profesionale dhe të shpejtë bën të mundur neutralizimin dhe  shoqërimin e 28-vjeçarit.

Në përfundim të veprimeve shtetasi A. G., 28 vjeç, u shoqërua në Spitalin Psikiatrik “Ali Mihali”, Vlorë për të marrë mjekimin e nevojshëm.

Lajmi kryesor:

Vlorë/ Policia shkoi ta arrestonte se nuk respektonte masën 'detyrim paraqitje', i riu me precedent penal mbyllet në lokal e lidh një bombol gazi me derën! Ndalohet pas hedhjes së gazit lotsjellës

TAG:
• Vlore
• gaz lotsjelles
• policia e vlorës
• bombol gazi
• fnsh