Fushata për ndryshimin e sistemit zgjedhor e ndërmarrë nga Nisma Thurje që u mbështet dhe nga 4 parti të tjera opozitare, ka ngjallur diskutime të shumta mbi mundësinë e realizimit të 12 pikave të kërkuara, mes tyre ajo për uljen e moshës së votimit dhe listat e hapura të kandidatëve për zgjedhjet parlamentare.
Në një lidhje skype për Report TV, ish kreu i KQZ, Kristaq Kume tha se partitë opozitare do ta kenë të vështirë të realizojnë kërkesat e tyre duke ndjekur rrugën që kanë nisur.
“Të ndërtojnë instrumenta të reja, kam dëgjuar që kanë thënë se do përdorin dy mundësi, referendumin popullor por mesa kam dëgjuar unë ky referendum nuk do të bëhet, nuk do lejohet. 28 deputetë mund të kërkojnë të bëhen ndryshime në kushtetutë dhe nëse Kuvendi bie dakord që të ndryshohet sistemi, atëherë 28 deputetë mund të kërkojnë që ky vendim para se të hyjë në fuqi, t’i nënshtrohet një referendumi popullor. Kështu është e vështirë të arrihet tek objektivi që ato kanë”- tha Kume.
Ndërsa Pano Soko i Nismës Thurje tha se jo domosdoshmërisht do të ndiqet vetëm kjo rrugë. Ai tha se duke pasur si qëllim një sistem proporcional kombëtar me lista të hapura, nëse nuk do të ketë konsensus në Kuvend për ndryshimin e Kushtetutës, atëherë do të vijohet me mbledhjen e firmave nga populli për të realizuar referendumin.
“Qëllimi ynë madhor është proporcionali kombëtar me lista të hapura. Nëse nuk do ketë konsensus për të ndryshuar kushtetutën është një projektligj që nuk e prek kushtetutën, e merr parasysh faktin që duhet bazuar tek ndarja rajonale, dhe mund të shkojmë drejtëpërdrejtë tek populli. Nuk ka kuptim që Shqipëria me 28 mijë km katrorë të ketë sistem proporcional rajonal. Ne jemi një vend nuk ka sens të kemi këtë ndarje rajonale. Nëse nuk e marrim konsensusin për ndryshimet kushtetuese, tek populli do shkohet patjetër për minimizimin e zonave. Për t’i bërë rajonet në 4 të tillë ose 3”- u shpreh Soko.
Për sa i takon votës së 16 vjeçarëve, një tjetër prej pikave në 12 kërkesat e partive opozitare, Soko tha se është një nismë e drejtë përderisa 16 vjeçarëve në vend u njihet përgjegjësia penale dhe po ashtu edhe mosha e punës varion nga 15-64 vjeç. Ai tha se realizimi i diçkaje të tillë, do të sillte një frymë të re që i duhet Shqipërisë. Ndërsa Kume u shpreh se pavarësisht nga fakti që kjo është një çështje shumë e diskutuar, sërish nuk pranohet.
Ditën e djeshme, 5 parti opozitare, Nisma Thurje, LZHK, PR, PAA dhe BD, propozuan platformën me 12 pika për ndryshimin e sistemit zgjedhor me qëllim kryesor listat e hapura në sistem proporcional kombëtar ndryshe nga ai rajonal që kemi aktualisht, si dhe uljen e moshës për personat që kanë të drejtë të votojnë.
Komente
Lajme të tjera
-
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
A do votojë diaspora? Krashi në 'Repolitix': Patjetër që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca
18 Dhjetor, 22:18 -
Mitsotakis flet për 'Vetëvendosje' të minoritetit grek, Alban Daci: Nuk është shaka! Kanë doktrinë Vorio-Epirin! Gazetarja Esiona Konomi: Provokim politik për konsum në Athinë
18 Dhjetor, 21:32 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
Vota e diasporës në zgjedhjet 2025, regjistrimi nga 11 janari -11 mars! Aplikacioni i KQZ drejt përfundimit, ja dokumentet që duhen! Kujdes adresën
9 Dhjetor, 16:52
-
Numërimi elektronik, KQZ auditon procesin e zgjedhjeve 2023 për bashkitë Vorë, Elbasan dhe Kamzë: Regjistrim i të gjitha votave me saktësi
9 Dhjetor, 13:07 -
'Vota e diasporës të numërohet nga KQZ', Celibashi: Partitë vetëm të vëzhgojnë! Debate te Rregullatori, shtyhet vendimi
7 Dhjetor, 11:30
Ka dale ne xhiro,nje gjithollog i ri,Pano Soko.Edhe ky e zgjodhi rrugen e jetes,me pak nga te gjitha,por mos bej asgje,avash avash do te çaj perpara.
Përgjigju