Kërkohej nga Gjermania dhe Holanda për trafik droge dhe plagosje, arrestohet në Spanjë 33-vjeçari shqiptar

Një 33-vjeçar shqiptar, i shpallur në kërkim ndërkombëtar për trafik droge dhe plagoje është arrestuar në Spanjë, për llogari të autoriteteve gjermane dhe holandeze.

Trafik droge, tentativë rrëmbimi, grabitje dhe plagosje, janë disa nga akuzat që rëndojnë mbi të riun shqiptar, i cili u kap në Spanjë në zyrën e Imigracionit, pasi kishte shkuar për të rinovuar dokumentacionin.

I riu shqiptar kishte dy urdhra ekstradimi, një nga Holanda dhe tjetri nga Gjermania dhe rrezikon 15 vite burg.

Në vitin 2018 33-vjeçari u kap në qytetin e Amsterdamit me gati tre kilogramë kokainë, një substancë e destinuar për shitje dhe trafikim. Gjithashtu, i arrestuari akuzohet se ka tentuar të rrëmbejë një burrë, i cili dyshohet se i ka borxh shumën prej 3500 euro për një transaksion pasurie të paluajtshme.

Sipas urdhrit gjerman të ekstradimit, i arrestuari, në qytetin e Frankfurtit, do t’i kishte drejtuar një pistoletë në kokë viktimës dhe do ta detyronte atë të hipte në një automjet për të kërkuar pagesën e një borxhi si kusht për lirimin e saj dhe më pas do ta kërcënonte me tha. Armatoni familjen e viktimës kur përpiqeni ta ndihmoni viktimën

M.T/Shqiptarja.com

TAG:
• spanje
• policia spanjolle
• trafik droge