Kërkohet 1.26 mld lekë shtesë në buxhetin 2023! Hasalla: Investime në prokurori dhe mbrojtje kibernetike! Bushka: Rishikim pagave, jo logjike

1.26 mld lekë është fondi i kërkuar shtesë në pr/Buxhetin e vitit 2023, para nga të cilat do të përfitojnë 18 institucione. Kërkesa u artikulua në Komisionin e Ligjeve nga deputeti Socialist Saimir Hasalla, i cili renditi investimet që sipas tij, duhet të bëhen me këto para. Nga ana tjetër, propozohet që 10% e kësaj shtese të kërkuar në buxhet, të shkojë për paga e kontribute.

“Ndryshimet janë të rakorduara me Ministrinë e Financave.  360 mln lekë për ngritjen e institutit të të miturve në Mëzez Tiranë. Investime të kërkuara për vlerën 30 mln lekë për projekte të ndërtimit apo ri-konstruksionit të disa prokurorive në rrethe dhe të prokurorisë së apelit në Tiranë. Shtesë në investime 10 mln lekë për blerje pajisjeve të zyrave dhe ndërtimin e shtesës së katit për personelin e KQZ. Lidhur me SPAK, Komisioni miratoi 15 punonjës shtesë pa efekte financiare në fondin e pagave. 70.4 mln lekë për investime, 6 mln lekë për pajisje speciale hetimore dhe 11.4 mln lekë për ruajtjen e sigurisë së godinës. Totali i shtesave arrijnë në vlerën 1.26 mld lekë. 1.083 mld lekë janë investimet… Shtesë punonjësisht 96, nga të cilët 36 do të jetë e nevojshme shtimi fondeve”,

Gjatë diskutimit nen për nen të pr/buxhetit të vitit 2023, Kryetarja e Komisionit të Ligjeve, i bëri apel Ministrisë së Financave të rishohë dhe njëherë hierarkinë e pagave.

“Paga e presidentit 257 000, rritet sipas përcaktimit të KM. Këtu MF duhet të bëjë një studim që struktura e pagave, nuk ekziston më. Kemi disa piramida, jo logjikë normale në paga. Paga e presidentit që është më e larta, ska logjikë. Ka një pabarazi që është jo logjike, është kërkuar nga ministria të rishihet kjo çështje”, tha deputetja socialiste Klotilda Bushka.

Për Partinë Demokratike, shqetësuese mbetet mungesa e monitorimit të koncesioneve, që sipas deputetes Dhurata Çupi zënë gati 36% të Prodhimit të Brendshëm Bruto.

“Neni 18, Tavani për blerën totale të kontratëve për PPP, dhe ato të kontraktuara rishtazi, është 35.9% e PBB. Pra gati 36% e buxhetit shkon për PPP…A ka një monotori për rezultatin e këtyre PPP-ve?”, u shpreh Çupi.

Komisioni i Ligjeve kaloi vetëm me votat e mazhorancës ndryshimet buxhetore, të cilat do t’i kalojnë për shqyrtimin final Komisionit të Ekonomisë e më tutje Kuvendit në seancë plenare.

 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet