POP 5

Lajmet më të lexuara të 5 minutave të fundit

Kronikë

Kërkoi masë më të butë sigurie, Gjykata lë në burg sanitaren Tire Alldervishin

Gjykata Penale e Tiranës ka rrëzuar kërkesën e Tire Alldervishit për zëvendësim të masës së sigurisë nga arrest ne burg në një masë më të butë. Alldervishi u arrestua pas denoncimit që kishte marrë një shumë prej 8 milionë lekësh nga vajza e një pacienteje të sëmurë me Covid

Kërkoi masë më të butë sigurie, Gjykata lë në burg sanitaren Tire Alldervishin

Sanitarja Tire Alldervishi

Gjykata Penale e Tiranës ka rrëzuar kërkesën e Tire Alldervishit për zëvendësim të masës së sigurisë nga arrest ne burg në një masë më të butë. Sanitarja e spitalit COVIT 2, Tire Alldervishi, u arrestua pas denoncimit nga vajza e një pacienteje të shtruar me COVID-19, të cilës i kishte marrë një shumë prej 8 milionë lekësh duke u hequr si infermiere në këmbim të shërbimit ndaj saj. Pacientja ndërroi jetë nga COVID-19 dhe nga bisedat me të bijën është zbuluar trajtimi çnjerëzor.

Ndërkohë me datën 11 mars, Gjykata e Apelit liroi dy infermieret e spitalit Shefqet Ndroqi, Sheqerije Koçi dhe Mira Bushi të akuzuara si bashkëpunëtore të Tire Alldervishit. Nga masa arrest me burg, dy infermieret u liruan nën masën ‘detyrim paraqitje’. Po kështu Apeli liroi më herët dhe një sanitare dhe infermiere, të spitalit “Shefqet Ndroqi”, më konkretisht infermieren Sidorela Kola dhe sanitaren Rukie Hoxha.

Tre infermieret dhe sanitarja u arrestuan pas hetimeve të kryera nga prokuroria e Tiranës, ku sipas prokurorisë ishte e qartë se persona me detyrë infermiere apo sanitare ne Spitalin "Shefqet Ndroqi" kishin krijuar një skemë të mirëfilltë me qëllimin e vetëm kriminal që të përfitojnë sa më shume në kurriz të pacientëve të sëmurë me sëmundjen COVID 19 dhe familjarëve te tyre.

Tire Alldërvishi, sanitare e vjetër në spitalin “Shefqet Ndroqi” tashmë ndodhet pas hekurave, u vu në pranga pas denoncimit në media që bëri vajza e saj Liljana Kalemi. Vajza e pacientes tha se pagoi 8 milionë lekë të vjetra në kohë të ndryshme tek Tire Alldërvishin, me premtimin se do ia shpërndante bluzave të bardha për një kujdes më të mirë ndaj nënës së saj. Vetë sanitarja iu prezantua vajzës si infermiere, ndërsa mjekëve u tha se pacienten e kishte teze.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Wall Street Journal: SHBA po vlerëson mundësinë për të furnizuar sërish me armë për Izraelin

Wall Street Journal: SHBA po vlerëson mundësinë për të furnizuar sërish me armë për Izraelin

19 Prill, 13:09