Gjykata Kushtetuese legjitimon hetimet bazuar në ‘Sky ECC’! Përgjimet të vlefshme si prova, rrëzon biznesmenin Pëllumb Gjoka

TIRANË - Gjykata Kushtetuese shqyrtoi sot (30 dhjetor 2024) kërkesën e biznesmenit Pëllumb Gjoka, i cili kërkoi pavlefshmërinë e përgjimeve të kryera përmes platformës Sky ECC, duke argumentuar se ato bien në kundërshtim me Kushtetutën. Gjoka e ankimoi vendimin që e mban në burg në Gjykatën Kushtetuese, duke kundërshtuar si të paligjshëm arrestimin e tij në bazë të provave të marra nga Sky ECC.

Pas shqyrtimit, Gjykata vendosi njëzëri rrëzimin e kërkesës, duke lënë në fuqi vendimet ekzistuese dhe duke mbështetur ligjshmërinë e procedurave të ndjekura, ndaj biznesmenit i arrestuar në kuadër të operacionit 'Metamorfoza'. Vendimi i arsyetuar pritet të publikohet brenda afateve ligjore.

Përpos kërkesës së lidhur me masën e sigurimit dhe Sky ECC gjykata rrëzoi edhe pretendimet në lidhje me kushtetutshmërinë e disa pikave në ligjin që rregullon ngritjen e strukturave të posaçme kundër korrupsionit.

LEXO EDHE:
Po performonte Stresi, të shtëna me armë në ajër në një koncert natën e ndërrimit të viteve në Tiranë! Në kërkim autori

Gjoka, i arrestuar bashkë me të tjerët për përfshirjen në organizatë kriminale dhe drejtim të saj, kryesisht me aktivitet në Shkodër dhe Tiranë, kërkoi shfuqizimin e vendimit të GJKKO, të datës 23 dhe 29 Korrik 2023, që e linte atë dhe të tjerët në paraburgim me akuzat përkatëse. Gjithashtu edhe vendimin e lënë në fuqi nga Apeli i GJKKO më 31 Gusht të vitit të kaluar dhe Gjykata e Lartë më 22 Dhjetor 2023.

Materialet e ardhura nga Franca e Belgjika me qindra fashikuj në përmbajtje të të cilave ka komunikime të grupeve kriminale, janë përdorur nga SPAK për të kryer një sërë arrestimesh, duke pretenduar zbardhjen e dhjetëra ngjarjeve kriminale.

Më 8 Nëntor SPAK bëri me dije se kaloi për gjykim dosjen ndaj biznesmenit Gjoka dhe 6 të tjerëve.

Lajmi ne perditesim...

Njoftimi i Gjykatës Kushtetuese: 

Sot, më 30.12.2024, Gjykata Kushtetuese mori në shqyrtim çështjen me kërkues Pëllumb Gjoka dhe me objekt: “ Shfuqizimi i vendimeve nr. 94, datë 23.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar;nr. 97, datë 29.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar; nr. 38, datë 31.08.2023 të Gjykatës së Posaçme të Apelit për Korrupsionin dhe Krim in e Organizuar; nr. 00-2023-2238 (364), datë 22.12.2023, të Kolegjit Penal të Gjykatës së Lartë, si të papajtueshëm me Kushtetutën e Republikës së Shqipërisë, për pjesën që kanë disponuar për caktimin dhe vazhdimin e masës së sigurimit personal “Arresti në burg” ndaj kërkuesit.

Shfuqizimi ishkronjave “a” dhe “b” të pikës 1 dhe i pikës 4 të nenit 6, si dhe i pikës 2 të nenit 42 të ligjit nr. 95/2016, datë 06.10.2016 “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, si të papajtueshme me Kushtetutën e Republikës Shqipërisë, për shkak se cenojnë pavarësinë dhe paanësinë e gjykatësve të posaçëm.”.

Në përfundim të shqyrtimit të çështjes, Gjykata, bazuar në nenet 72 e vijues të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, vendosi, njëzëri, rrëzimin e kërkesës. Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese.

TAG:
• pellumb gjoka
• Tirane
• gjykata kushtetuese
• Sky ecc
• Metamorfoza

Sondazhi i ditës:

Çfarë prisni në vitin 2025?

• Punë

  10.3%

• Shëndet

  67.8%

• Mirëqënia

  21.9%

Vota total: 1638

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia