Kërkojnë të shpallet emergjenca, banorët e Korçës konflikt me prefektin, godasin punonjësin (VIDEO)

Tensionet situata në fshatin Floq të Korçës, që është goditur nga tërmeti. Banorët mëngjesin e sotëm janë konfliktuar verbalisht me prefektin Dhori Spirollari, ndërsa kanë goditur njërin nga punonjësit e Emergjencave Civile. Report Tv sjell pamjet e momentit kur njëri nga banorët e zonës godet punonjësin e Emergjencave.

Banorët i kanë kërkuar prefektit që të shpallë gjendjen e emergjencës në mënyrë që të strehohen në ambiente të tjera, pasi shprehen se janë në kushte shumë të vështira. Kushtet janë bërë akoma më të vështira nga reshjet e shiut që vijojnë që të bien.

"Këta sa vjen njëri, ikën tjetri dhe kot, por Zoti...Kemi ftohtë dhe nuk mund të qëndrojmë më në çadra. Ushqimi nuk ka ardhur. Ka mungesë të ushqimeve dhe krevatëve" shprehen disa nga banorët. Por, pas ndërhyrjes së banorëve dhe punonjësve të tjerë të Emergjencave situata është qetësuar për momentin, por banorët janë të revoltuar me situatën.

Lajmi kryesor:

Tërmetet në Korçë/ Zhvendosen disa banorë nga çadrat në shkolla e banesa sociale, Rama: Do rindërtohen shtëpitë (VIDEO)

TAG:
• ogerta manastirliu
• ervin salianji
• Haki Çako
• dhori spirollari
• termetet ne korce