TIRANË- Është shtyrë për 17 tetor seanca e parë të procesit gjyqësor ndaj Fredi Belerit në GJKKO.

Avokatët kërkuan pavlefshmëri të të gjitha akteve të Prokurorisë si dhe kërkuan dorëheqjen e anëtares së trupit gjykues, Etleva Doda. Të pranishëm në seancë ishte ambasadorja greke, Konstantina Kamitsi si dhe një media greke.

 Më 14 shtator, Gjykata e Posaçme vendosi kalimin e dosjes për gjykim ndërkohë që Beleri ka kërkuar 6 herë zëvendësimin e masës arrest me burg me një masë më të lehtë, por është refuzuar nga gjykata.

Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota. Beleri nuk ka mundur të marrë detyrën, pasi autoritetet gjyqësore nuk i dhanë leje për të kryer betimin.

Rendit zhvillimet sipas orarit:
Ora 10:07
Shtyhet seanca për Belerin, avokatët kërkesë për pavlefshmëri të të gjitha akteve të Prokurorisë! Kërkojnë dorëheqjen e një prej anëtarëve të trupit gjykues

1696931215_beleridulekamitsi.jpg

Është shtyrë për 17 tetor seanca për kryebashkiakun e zgjedhur të Himarës, Fredi Belerit. Avokatët e tij kërkuan dhe dorëheqjen e një prëj anëtarëve të trupit gjykues, Etleva Deda. Sipas tyre, ajo ka shqyrtuar një kërkesë më herët dhe e e ka rrëzuar.

Gjithashtu ata paraqitën kërkesë për pavlefshmëri të të gjitha akteve, përfshirë edhe dërgimin  e çështjes në gjyq.

G.MO/Shqiptarja.com