POP 5

Lajmet më të lexuara të 5 minutave të fundit

Politikë

Kërkonte ndryshimin e masës së sigurisë, Gjykata e Lartë refuzon rekursin e Lefter Kokës

Gjykata e Lartë refuzon rekursin e Lefter Kokës. Ish-ministri kërkonte ndryshim të masës së sigurisë, por kjo kërkesë nuk iu pranua.

Kërkonte ndryshimin e masës së sigurisë, Gjykata e Lartë refuzon rekursin e Lefter Kokës

Lefter Koka

TIRANË- Gjykata e Lartë ka rrëzuar rekursin për ish-ministrin e Mjedisit Lefter Koka, i cili ndodhet i arrestuar për aferën miliona euroshe për inceneratorin e Elbasanit dhe atë të Fierit.

Gjykata e Posaçme e Apelit vendosi ndaj tij “arrest me burg”, ndërsa Koka bëri rekurs në Gjykatën e Lartë për ndryshimin e kësaj mase sigurie, të dhënë më 5 Janar të këtij viti, kërkesë kjo që u hodh poshtë.

Lefter Koka është me dy masa sigurie “arrest në burg” për dy inceneratorë, atë të Elbasanit dhe të Fierit. Aktualisht, në pritje të përfundimit të hetimeve, është në paraburgimin e Durrësit, në të njëjtën dhomë më Alqi Bllakon, ish-deputetin e PS, i cili akuzohet po ashtu për të dy inceneratorët. SPAK e akuzon Lefter Kokën për shpërdorim të detyrës, pastrim të parave dhe korrupsion, tre akuza të rënda me të cilat ish-ministri tashmë do nisë betejën e tij me drejtësinë, teksa janë sekuestruar edhe kompanitë "Albtek Energy”, pra inceneratori i Elbasanit, “Integrated Technology Services” si edhe aksionet e Kokës në “Kantinën e Pijeve Gjergj Kastrioti Skenderbeu”. Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto.  

Hetimet për inceneratorin e Elbasanit janë të parat që përfundojnë nga SPAK, teksa në proces përfundimtar është edhe ai i Fierit.

Për inceneratorin  e Fierit u paguan 4 milionë euro për punë që nuk u kryen asnjëherë, ndërsa 60 milionë lekë është dëmi i shkaktuar në buxhetin e shtetit në skemën e mashtrimit. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Shqipëria në mesin e 4 vendeve europiane me rënien më të lartë të fëmijëve

Shqipëria në mesin e 4 vendeve europiane me rënien më të lartë të fëmijëve

30 Janar, 08:12