TIRANE- Sipas burimeve zyrtare nga Operatori i Sistemit te Transmetimit, aktualisht HEC-i i Fierzës po punon me dy agregate, duke ndikuar direkt në shtimin e prodhimit të energjisë për konsum vendas.

Në kushte të tilla të përmirësuara nga rreshjet e ditëve të fundit, që po vazhdojnë, Korporata Eenergjetike Shqiptare ka vendosur të ndërpresë importin, pasi ditët e fundit siguronte vetëm 20 për qind nga jashtë vendit. Sipas të dhënave, aktualisht niveli i liqenit të Fierzës është ne kuuotën e rreth 270 metrave, ndërsa prurjet llogariten mbi 100 metra kub në sekondë.

Deri tani, importi po kryhej vetëm nga Korporata Energjetike Shqiptare, ndersa CEZ-i prej kohësh nuk importon asnjë kilovatorë energji.

(ad.ti/shqiptarja.com)