POP 5

Lajmet më të lexuara të 5 minutave të fundit

Ekonomi

KESH, procedim për
ish-drejtorin e HEC Koman

Hidrocentrali i Komanit blen skaf, por paguan për jaht. Një mjet lundrues që nevojitej për të kryer kontrolle në liqenin e Komanit, është blerë me një çmim prej 357 milionë lekësh të vjetra, ndërsa në doganë është deklaruar çmimi real, prej 38.150 eurosh, apo rreth 44 milionë lekë të vjetra.
KESH, procedim për<br />ish-drejtorin e HEC Koman
TIRANE- Hidrocentrali i Komanit blen skaf, por paguan për jaht. Një mjet lundrues që nevojitej për të kryer kontrolle në liqenin e Komanit, është blerë me një çmim prej 357 milionë lekësh të vjetra, ndërsa në doganë është deklaruar çmimi real, prej 38.150 eurosh, apo rreth 44 milionë lekë të vjetra. Ky skandal është zbuluar nga auditi i Departamentit të Brendshëm të Korporatës Energjetike Shqiptare, ku konstatohen shkelje të rënda administrative, ligjore, keqmenaxhim shpenzimesh dhe keqadministrim të procedurave të prokurimit.

Për rrjedhojë, KESH ka çuar për ndjekje penale ish-drejtorin e Hidrocentralit të Komanit, Arben Cani, si dhe drejtues të tjerë të këtij HEC-i për abuzim me tenderin për blerjen e një mjeti lundrues, por edhe për shkelje të tjera. Sipas dokumenteve, rezulton se skafi i tipit “Marinko Cruiser 222”, i importuar fillimisht nga një subjekt privat është zhdoganuar në doganë me vlerë 38.150 euro. “Nga komunikimet me Drejtorinë e Përgjithshme të Doganave në funksion të plotësimit të dokumentacionit të mangët të këtij mjeti lundrues, u konstatua që mjeti lundrues i faturuar në KESH sh.a. me vlerën 35,760,000 lekë është zhdoganuar me çmim 38.150 euro.

Për konstatimet e mësipërme, grupi i auditimit ka ngarkuar me përgjegjësi të gjithë kastën menaxheriale të Njësisë HEC Koman: ish-drejtorin e njësisë, shefin e sektorit të shërbimeve të personelit, shefin e sektorit të mirëmbajtjes, shefin e sektorit ekonomik, shefat e sektorëve, përgjegjësin e repartit të drejtimit, anëtarët e Komisionit të Vlerësimit të Ofertave dhe Njësisë së Prokurimit”, thuhet në njoftimin zyrtar të departamentit të auditit të brendshëm në KESH sh.a. Lidhur me këto fakte, KESH sh.a i është drejtuar prokurorisë për të hetuar përgjegjësinë e mundshme penale të autorëve.


Shkrimi u publikua sot (26.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lojtari dhe trajneri më i mirë i vitit, FIFA tregon emrat e nominuar për

Lojtari dhe trajneri më i mirë i vitit, FIFA tregon emrat e nominuar për "The Best"! Duel mes Rodrit dhe Vini Jr, në garë edhe Messi

29 Nëntor, 11:15