Më poshtë do t'ju listojmë ushqimet të cilat dëmtojnë dhëmbët dhe ushqimet që i bëjnë mirë atyre.
Produktet që dëmtojnë dhëmbët
Karamelet
Karamelet e forta ngjiten në sipërfaqen e dhëmbit dhe duhet shumë kohë që të shpërbëhen, kështu që janë shumë të dëmshme për dhëmbët. Disa prej tyre janë aq të forta saqë mund të shkaktojnë thyerjen e dhëmbit nëse i kafshoni.
Ushqimet acidike
Nëse ju pëlqen limoni dhe keni dëgjuar se ai i zbardhon dhëmbët, bëni kujdes. Limoni mund të jetë i dëmshëm për dhëmbët. Pas konsumimit të ushqimeve të tilla, duhet të pastroni dhëmbët.
Ushqimet që përmbajnë niseshte
Patatinat, buka e bardhë, pica, makaronat dhe hamburgerët janë të pashëndetshëm sepse copëzat e tyre mbesin në mes të dhëmbëve dhe bëntojnë smaltin. Këto ushqime shumë shpejt konvertohen në sheqer sepse në gojë fillon procesi paradigjestiv.
Pijet e gazuara dhe energjike
Pijet e gazuara dhe pijet energjike janë veçanërisht të dëmshme për dhëmbët nëse pihen shpesh.
Alkooli
Pështyma në gojë ndihmon për të larguar grimcat e ushqimit dhe mbron kundër ushqimeve acidike, dhe meqë alkooli pengon prodhimin e pështymës, ai është i dëmshëm për dhëmbët. Alkooli mund të çojë në sëmundje të mishit të dhëmbëve, dhe madje edhe në kancer.
Produktet që janë të shëndetshëm për dhëmbët
Uji
Uji është i pazëvendësueshëm dhe me të duhet shpëlarë dhëmbët pas ngrënies ose pas konsumimit të pijeve me sheqer të shtuar.
Produktet e qumështit
Produktet e qumështit janë të pasura me vitamina dhe minerale. Ato ripërtërijnë sasitë e kalciumit, i cili është i nevojshëm për shëndetin e dhëmbëve.
Arrat
Arrat janë të pasura me vitamina, minerale, kalium, kalcium dhe zink, dhe janë të shëndetshme për dhëmbët tuaj.
Çaji jeshil
Çaji i gjelbër parandalon rritjen e baktereve dhe ndihmon në luftën kundër inflamacionit të mishit të dhëmbëve dhe formimin e shtresave. Kafeja dhe kakao janë gjithashtu shumë të dobishme.
Këshilla
Mos i patroni dhëmbët tuaj menjëherë pasi të pini apo hani diçka të ëmbël apo të thartë, sepse atëherë smalti i dhëmbëve dëmtohet më shpejtë.
Gjithashtu, dhëmbët pastrojini me ujë, prisni gjysmë ore deri sa pështyma ta bëjë punën e vet, dhe pastaj pastrojini me pastë dhëmbësh.
Redaksia Online
Er.K/Shqiptarja.com
![](https://www.shqiptarja.com/template/img/sh_logo1.png)