TIRANE - Partia Lëvizja Socialiste Për Integrim luan një rol të rëndësishëm vendimmarrës jo vetën në KQZ, rolin e saj në qeveri, KZAZ por edhe në vendimet e këshillave bashkiakë apo dhe këshillave të qarkut. Në një analizë të të dhënave në faqen zyrtare të KQZ për zgjedhjet vendore të  8 Majit 2011 në rang vendi LSI e Ilir Metës arriti që të merret plotë 516 anëtarë në këshillat bashkiakë, komuna apo dhe qarqe.

Ndërkohë që Partia Socialiste, duke qenë se arriti të merrte shumicën e bashkive dhe komunave në vend për 2011, arriti të fitonte të drejtën për të propozuar 1446 këshilltarë në komuna, bashki e qarqe. Kurse Partia Demokratike do të fitonte të drejtën për të propozuar si anëtarë të këshillave 1191 anëtarë.

Nëse marrëveshja mes PS dhe LSI realizohet si para, por dhe pas zgjedhjeve, atëherë në koalicionin e majtë do të shtohen plot 516 anëtarë që mund të japin votën e tyre në miratimin dhe kalimin e vendimeve.

Por ata do të përmbysin rezultatet edhe në vendimmarrje në disa qytetet kryesore të vendit, ku shumicën e ka e djathta dhe kalon në të majtën, ose nga barazimi në votim, e majta merr të drejtën për të miratuar vendimet edhe me shumicë të thjeshtë dhe të cilësuar.

Bëhet fjalë për bashkinë e Çorovodës ku në rast se LSI bashkon 4 votat e anëtarëve të propozuar nga kjo forcë, e maja merr shumicën në këshillin bashkiak. Gjithashtu e njëjta gjë ndodh edhe në bashkinë e Fushë-Krujës dhe atë të Cërrikut, ku anëtarët e propozuar nga LSI përmbysin rezultatet e shpërndarjes së mandateve në këshillin bashkiak për këto parti.

Këshilli bashkiak i Elbasanit, i Laçit e i Koplikut do të kenë të njëjtin fat nëse arrihet kjo marrëveshje që e majta të jetë vendimmarrëse me shumicë të thjeshtë votash. Ka edhe bashki ku mosvotimi i anëtarëve të propozuar nga LSI nuk i heq të drejtën PD që të ketë shumicën në këshilla bashkiak.

NË RANG VENDI PS KA 1446 ANËTARË KËSHILLI BASHKIAKË

PD 1191 anëtarë këshilli bashkiakë
LSI 516 anëtarë të këshillave bashkiakë

BASHKIA ÇOROVODË:

PD me aleatët 5
PS me alëattë 5
LSI 4
E majta merr shumicën

BASHKIA FUSHË KRUJE:]

LSI 3
PS merr shumicën

BASHKIA CËRRIK:

LSI 4
PD me aletaë 7 
PS me aleatë 5 
E majta merr shumicën

BASHKIA ELBASAN:

LSI 4
PD me aleatë 21
PS me aleatë 20
E majta merr shumicën

BASHKIA LUSHNJE

LSI 3
PD me aleatët 13
PS me aleatët 18

BASHKIA PËRMET

LSI 1
PD me aleatët  6
PS me aleatët 6
PS merr shumicën

BASHKIA LAÇ:

LSI 1
PD me aleatët 12
PS me aleatët 12
E majta merr shumicën

BASHKIA KOPLIK:

LSI 1
PS me aleatët 7
PD me aleatët 8
Bëhet barazim votash

BASHKIA TIRANË:

LSI 5
PS me aleatë 27
PD me aleatë  23
E majta merr shumicën

Shkrimi u botua sot në gazetën Shqiptarja.com (print) 03.04.2013

Redaksia Online
(b.m/shqiptarja.com)