Të jesh prind është kënaqësi por nuk është e lehtë. Dhe prindërve më të mirë e më të dashur u ndodh që në momente të caktuara t’u japin fëmijëve nga një shuplakë apo t’ju flasin me fjalë të ashpra. Por, kjo sipas Lira Gjikës, pediatres dhe psikologes së këshilliit për fëmijë, nuk duhet të ndodh në qoftë se ne si prindër vendosim rregullin.

Në një intervistë për emisionin e mëngjesit “Rreze Dielli” Lira Gjika thotë se rregulli i parë është komunikimi me fëmijën. “Ajo që e rrit fëmijën është përgjegjësia dhe fjala e folur. Në këtë pikë hyn rregulli. Në rregullin që i vendosim fëmijës duhet përdorur fjala”.