TIRANË - Makthi më shumë se njëvjeçar i Refik Halilit për zotërimin e Klubit të Futbollit Tirana ka marrë fund, pasi Gjykata e Lartë ka pushuar çështjen që kërkonte nxjerrjen në ankand të 66 përqind të aksioneve të klubit bardheblu që zotërohen nga kompania "Halili shpk".
Vendimi është marrë nga Gjykata e Lartë më 29 janar 2025 dhe është pasqyruar në Qendrën Kombëtare të Biznesit më 11 mars 2025 ku thuhet: "Depozitimi i urdherit Nr.912/55 Prot., Nr.912/D datë 03.03.2025,l ëshuar nga Zyra Permbarimit Privat "ALBASE" shpk, me permbarues Baftjar Nela protokolluar nga Qendra Kombetare e Biznesit me nr. 4684, date 06.03.2025 , ku është urdhëruar: Heqja e sekuestros te Aksioneve ne masen 66% qe i perkasin shoqerise "Halili" shpk te "Klubi Futbollit Tirana" sha, pasi eshte pranuar padia e debitorit me vendimin civil Nr. 11217-01656-00-2017, dt 29.01.2025 te Gjykates se Larte."
Me këtë vendim KF Tirana i ka aksionet e lira dhe llogaritë bankare të çliruara, duke mos pasur asnjë pengesë për regjistrimin në aktivitete ndërkombëtare, gjithmonë nëse ia arrijnë në fushë.
HISTORIA - Një zyrë përmbarimore në prill 2024 kishte bllokuar aksionet e 'Halili shpk' në klub për shkak detyrimesh ndaj palëve të treta dhe i kishte nxjerrë zyrtarisht në shitje ato. Asokohe, kompania në fjalë njoftoi se në shitje ishin 66% e aksioneve, me vlerë fillestare prej rreth 161 milionë lekë.
Bllokimi kishte ardhur prej detyrimeve të shumta të ndryshme që kishte në vite pronari i KF Tirana ndaj palëve të treta, të cilat kishin fituar gjyqe radhazi dhe prisnin zbatimin e vendimeve.
Në prill-maj 2024 dështoi shitja e aksioneve të klubit Tirana nga një kompani përmbarimi, e cila kishte bllokuar kuotat në pronësi të "Halili shpk”. Ashtu siç ishte lajmëruar nga kompania përmbarimore, ankandi i parë u mbyll pa fitues, sepse nuk pati asnjë ofertë.
"Halili shpk”, pronari i 66% të aksioneve të KF Tiranës me president Refik Halilin, pas ankandit të parë iu drejtua Gjykatës së Juridiksionit të Përgjithshëm të Shkallës së Parë, Tiranë me një kërkesëpadi, objekti i së cilës është pezullimi i ekzekutimit të vendimit që ka fituar familja “Preza”.
Në kërkesëpadinë, paditësi pretendonte për rivlerësim të paktën të aksioneve që përmbaruesi i ka nxjerrë në shitje 1.6 milionë euro. Po kështu, "Halili shpk” kundërshtoi veprimet e përmbaruesit gjyqësor, i cili kishte nisur shitjet e aksioneve të KF Tiranës në ankand.
BORXHI - Borxhi që do të përmbarohej dhe që solli shitjen e mundshme të aksioneve është një detyrim që ka kompania "Halili shpk”, në pronësi të Refik Halilit ndaj një personi, shtetasit Abedin Treza (Preza). Siç njofton Qendra Kombëtare e Biznesit, në datën 13 shtator 2019, shtetasi Abedin Treza (Preza) ka bllokuar 66 përqind të aksioneve në zotërim të Refik Halilit në KF Tirana.
KONKLUZIONET - Pas vendimit të fundit nga Gjykata e Lartë, KF Tirana çlirohet nga sekuestro dhe 66 përqind të aksioneve rikthehen te Refik Halili, ndërsa 34 përqind zotërohen nga Bashkia e Tiranës.
Faximile e QKB
Komente
Lajme të tjera
-
Zyrtare/ Sokol Haxhia është Drejtori Teknik i Partizanit, ish-futbollisti rikthehet në shtëpi
29 Mars, 21:45 -
Ngacmim seksual në Tiranë, 38-vjeçari merr në shtëpi 24-vjeçaren dhe më pas zhduket
29 Mars, 17:16 -
Meta audio mesazh nga qelia: Rama ka nisur të vjedhë premtimet elektorale të opozitës! 11 Maji, dita e fitores së lirisë mbi tiraninë
29 Mars, 15:52 -
Thomas Brdaric: Me Egnatian gjyqtarja dhe VAR gabuan! Jemi Vllaznia, s'mund të bëjnë çdo gjë me ne
29 Mars, 15:38 -
Tritol lokalit në Tiranë më 25 mars/ Identifikohet e shpallet në kërkim 47-vjeçari, policia i gjen veshjet e përdorura ditën e ngjarjes dhe biçikletën me të cilën u largua (EMRI)
29 Mars, 13:52 -
Veliaj: Tirana, një qytet solidar me 8 qendra sociale për nevojtarët
29 Mars, 13:23 -
Tirana e dedikuar Motosportit, ‘Automotive Fair Albania 3’ sjell eksperinca unike! Pilotët: Aktivitete të tilla kishin munguar (VIDEO)
29 Mars, 11:12
-
Sherr për një vend parkimi në Kamëz, shpallet në kërkim autori i plagosjes së 29-vjeçarit! Report Tv siguron foto nga momenti i përplasjes (EMRI)
29 Mars, 08:47 -
VIDEO/ 'O Braçe ku je', Rama batuta nga Njësia 5! Deputeti i 'ankohet': Shiko ndonjëherë Instagramin tim, s'bëhet qameti, ty të shohim që në mëngjes
28 Mars, 22:20 -
Si u hodh në erë me dinamit shtatorja e Stalinit në Tiranë, më 28 Mars 1990! Rrëfehet për 'Esencë' Bujar Nallbani: Frika dhe lumturia ime e atyre ditëve!
28 Mars, 22:05
-
E ngarkuara me punë Nancy VanHorn uron komandantin Alban Dervishi për detyrën e re: Partneriteti ynë e bën Amerikën më të fortë
28 Mars, 20:12 -
Muaji i Ramazanit/ Rama shtron iftar: Myslimanët e Shqipërisë nuk janë problem, por vlerë e shtuar! Për ne BE më shumë se një grup traktatesh, është vëllazërim
28 Mars, 18:14
