'Kiara u viktimizua, mu neverit' Ermiona flet për çiftin dhe eksperiencën në BBV

Ermiona Lekbello u përjashtua para disa ditësh nga "Big Brother VIP" për dhunë verbale. Ajo ishte e ftuar në spektakël ku ka folur gjatë mbi eksperiencën e saj. Ermiona tha se nuk e përballonte dot më dhe se banorët e tjerë iu neveritën.

Ajo u ndal edhe te çifti Kiara-Luiz dhe kishte goxha rezerva për Kiarën për të cilën tha se u viktimizua dhe se iu neverit situata që ajo krijoi.

"Kam hyrë me një nervozizëm dhe emocione që do jetoja me 12 persona të tjerë. Unë jam e pavarur dhe jetoj vetëm. Erdha për një sfidë me veten. Jam e lumtur që shqiptarët panë Jonën e vërtetë. Nuk do kisha bërë asgjë kundër. Nuk di të luaj, jam e vërtetë por jo budallaqe. Pata një eksperiencë që nuk do e harroj kurrë, por ishte nga më të vështirat. Ajo shtëpi ka hiena brenda. Krijojnë situata komike i bëjnë tragjike. Asgjë nuk është tragjedi. Aty humanizmi vdes. Është mbijetesë. Janë të fortë që durojnë, unë nuk e përballoja dot. Ato skenat mes Kiarës e Luizit nuk më pëlqyen. Kiara nuk më pëlqeu. Kiara e njeh Luizin dhe e ka përkrahur lojën e tij. U viktimizua dhe e bëri shumë të madhe. Kiara është shumë racionale, Luizi ka strategji por është emocional. Do e tregojë koha si do shkojë lidhja e tyre. Situata që krijoi Kiara mu neverit."-tha ajo.

LEXO EDHE:
E mbështeti gjatë gjithë kohës, Ermiona Lekbello shfaqet papritur kundër Luizit: Tani nuk kthen as mesazh

Sakaq, Jona tha se vajza e saj i kishte thënë se është krenare për të dhe se kjo ishte gjëja më e rëndësishme për të.

"Më mori në telefon dhe më tha "Jam krenare për ty". Kur vajza ime është krenare për mua, nuk më intereson asgjë".

M.Q./Shqiptarja.com

TAG:
• ermiona lekbello