Në rezolutë do shtohet se dialogu ndërmjet Prishtinës dhe Beogradit “ofron mundësi për zgjidhjen e problemeve themelore”.
E përgatitur nga deputeti socialist i Suedisë, Bjorn von Sidov, projekt-rezoluta nënvizon nevojën që “edhe në jug, edhe në veri të Kosovës” të luftohet korrupsioni dhe krimi i organizuar.
Von Sidov ka thënë se raporti i Këshillit të Evropës për “tregtinë me organe njerëzore në Kosovë dhe Shqipëri” nuk është subjekt i shqyrtimit të tij, por ka theksuar se “e vërteta për krimet është parakusht thelbësor për stabilitetin afatgjatë”.
Projekt-rezoluta po ashtu kërkon nga autoritetet në Prishtinë dhe Beograd që të nisin procedura ligjore për krimet në baza etnike, si dhe për shkatërrimin e objekteve fetare dhe kulturore.
(europaelire/ sg/shqiptarja.com)
![](https://www.shqiptarja.com/template/img/sh_logo1.png)