/ATSH-AFP/ - Kievi dhe separatistët prorusë filluan sot shkëmbimin e disa të burgosurve në kuadër të një marrëveshjeje të arritur dje në Minsk, theksoi një gazetar.

Ky shkëmbim që filloi me grupe pranë qytetit të Kostiantynivkas (45 kilometra në veri të bastionit rebel të Donetskut) do të përfshijë 222 rebelë dhe 150 ukrainas.

Të burgosurit ishin vendosur në radhë përballë njëri tjetrit në 100 metra distancë. Përfaqësuesit e Kievit dhe separatistët kanë lexuar emrat përkatës para kryerjes së shkëmbimit.